Bombalanayotgan Gʻazo: 199-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 199 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️ Bosqinchilar Al-Magʻozi lageri, Xon Yunis, Nuseyrat lageriga va Dayr al-Balahga hujum qildi. Rafahga uyushtirilgan hujum natijasida 16 nafar bola va 6 nafar ayol halok boʻlgan. Urush boshlanganidan beri 34 097 kishi shahid boʻldi, 76 980 kishi yaralandi.

▪️ Gʻarbiy Sohilda ishgʻolchilar oʻnlab falastinliklar hibsga olingan Balat va Xalil lageriga bostirib kirmoqda. Bu vaqtda Quddusning Romema hududida koʻchmanchilarga hujum uyushtirildi, ikki kishi yaralandi.

▪️ Bosqinchilar Nuseyrat kasalxonasi hududini tark etgach, 210 nafar shahidning jasadi boʻlgan qabr topildi. Ulardan baʻʻzilari qatl etilgani aytilmoqda.

▪️ Suriya sharqidagi Dayr-az-Zor viloyatida joylashgan Amerika bazasiga zarba berildi. Mosul tarafidan raketalar otildi.