Bombalanayotgan Gʻazo: 185-kunning asosiy voqealari
Isroil Gʻazo sektorida bosqinchilik va qirgʻinbarot urushini boshlaganiga 185 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
▪️ Bosqinchilar Shujaya, Nuseyrat va Rafah lagerlariga hujum qildi. Kun davomida
38 kishi shahid boʻldi, 71 kishi yaralandi.
▪️ Urush
davomida jami 33175 falastinlik halok boʻldi, 75886 nafari yaralandi.
▪️ Gʻarbiy
Sohilda bosqinchilar Xalil (Xevron) shahriga bostirib kirdi, u erda 23 nafar
falastinlik hibsga olindi. Nablusda qarshilik jangchilari Balat lageriga bostirib
kirishni istagan bosqinchilar bilan jangga kirishdi.
▪️ Isroil
aviatsiyasi Livan janubidagi Sultoniya shahriga hujum qildi, 3 kishi
halok boʻldi.
▪️ Olti oylik
urush davomida ilk bor
bir kunda 322 ta
gumanitar yuk mashinasi Misrdan Gʻazoga kirdi.
▪️ Falastinning HAMAS harakati delegatsiyasi Misr razvedkasi
rahbari Abbos Komil bilan Gʻazo sektorida oʻt ochishni toʻxtatish va Isroil bilan
asirlarni almashish masalasini Qohirada muhokama qildi.
▪️ BMT Xavfsizlik
Kengashi bugun Falastinning BMTga aʻʻzo davlat boʻlish haqidagi iltimosini koʻrib
chiqish uchun yigʻiladi. Rossiyaning BMTdagi doimiy vakili oʻrinbosari Dmitriy
Polyanskiy: “Albatta, biz Falastin imkon qadar tezroq BMT aʻʻzoligi maqomini
olishini taʻʻkidlaymiz”, -
dedi.
▪️ 600 nafar
nemis davlat xizmatchisi kantsler Olaf Sholtsga “Isroil hukumatiga qurol etkazib berishni zudlik bilan
toʻxtatish” chaqirigʻi bilan murojaat qildi.
▪️ Xalqaro sud
Nikaragua tomonidan Germaniya Isroilning Gʻazodagi urushini qoʻllab-quvvatlagani toʻgʻrisida ochilgan ish
boʻyicha ikki kunlik ochiq eshituvlarni boshlaydi.
▪️ Globes: Turkiya Isroilga eksportni
yashirincha bloklamoqda. Oʻtgan
hafta davomida Isroilga mahsulot eksport qilayotgan turk kompaniyalari Turkiya
bojxona saytida eksport bojlarini toʻlay olmay qolgan. Mavjud vaziyat tufayli
Isroil va Turkiya portlari oʻrtasidagi savdo yoʻllariga xizmat koʻrsatuvchi yuk
kemalari ham dengizga chiqa olmayapti.
.png)
Mavzuga aloqador
-
Gʻarb matbuoti aksariyat holatlarda ikkilanma mezonlar bilan harakat qilyapti va shu taxlit yashamoqda. Abdulhakim Bahriddin Gʻazo misolida axborot vositalaridagi ikkilanma mezonlarni tilga oldi.
-
Bosqinchi Isroil Gʻazoda tinch aholi, ayniqsa ayollar va bolalarga qarshi olib borayotgan qonli urushidan oʻzi ham katta zarar koʻrmoqda. Ayniqsa, turizm, aviatsiya, mehnat bozori katta zarar koʻrmoqda.
