Bombalanayotgan Gʻazo: 172-kunning asosiy voqealari
Isroil Gʻazo sektorida bosqinchilik va qirgʻinbarot urushini boshlaganiga 172 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
▪️ Bosqinchilar
Rafada tinch aholi yashayotgan uyga zarba berishi oqibatida 15 kishi halok boʻldi. Yahudiy
armiyasi, shuningdek, Gʻazo shimoliga ham zarbalar berdi. Kun davomida 107 kishi
shahid boʻldi.
▪️ Gʻarbiy
Sohilda bosqinchilar Jenin, Ramallah, Nablus, Xevronda ommaviy hibsga olmoqda.
Balat lagerida bosqinchilar Fath harakatining shtab-kvartirasini portlatib yubordi.
▪️ Al-Qassam
Brigadalari: Biz Gʻazo shahridagi Al-Tafel hududi chegaralarini bosib oʻtgan
bosqinchilarni minomyotlardan oʻqqa tutdik, bu esa ularni oʻz qoʻshinlarini hududdan
olib chiqishga majbur qildi.
▪️ BMT
hisobotida Isroil Gʻazoda genotsid sodir etganlikda ayblanadi: Isroil Gʻazoda
koʻplab genotsidlarni amalga oshirdi. Isroilning Gʻazoga hujumi tabiati va koʻlami
falastinliklarni jismonan yoʻq qilish niyatidan dalolat beradi.
▪️ Livan
Hizbullohi: Biz Al-Mutallahda isroillik askarlari joylashgan binoga aniq zarba
berdik.
▪️ BMT Xavfsizlik
Kengashining Gʻazoda oʻt ochishni toʻxtatish boʻyicha rezolyutsiyasi qabul qilinishini dunyo
olqishlamoqda. Ovoz
berishdan keyin zalda ham qarsaklar
yangradi.
▪️ Isroil askarlari tomonidan qamal qilingan Gʻazo sektori
janubidagi Xon Yunus shahrida
joylashgan Amal kasalxonasi oʻz faoliyatini toʻxtatdi.
▪️ BMT
Xavfsizlik Kengashi Gʻazoda oʻt ochishni toʻxtatish talab qilgan rezolyutsiyani qabul
qilganiga qaramasdan, Isroil tashqi ishlar vaziri Israel Kats: “Isroil oʻt ochishni
toʻxtatmaydi. Biz HAMASni yoʻq qilamiz va oxirgi (isroillik) mahbus qaytib
kelguncha kurashamiz”, dedi.
▪️ Iordaniyada
namoyishchilar ketma-ket ikkinchi kun norozilik namoyishlarini davom ettirmoqda.
Ular: “Gʻazo ochlikdan oʻlyapti, ey qoʻrqoq arab hukumatlari”, deb hayqirgancha Gʻazo
bilan birdamlik bildirib, ishgʻolchi kuchlarning davomli tajovuzini qoralamoqda.
▪️ AQSh
Qurolli kuchlarining bir necha harbiy samolyotlari Suriyaning Dayr-az-Zor viloyatida
Bashar Asad rejimi tarafida boʻlgan eronparast guruhlarning harbiy nishonlariga
hujum qildi. Dayr-az-Zor shahri markazi, shuningdek, Al-Bukamal va Al-Mayadin
tumanlaridagi 10 ta harbiy obʻʻektga, jumladan, oʻq-dorilar omboriga zarba berilgan.