BMT: Yamanda mart oyidan beri vabodan kamida 720 kishi halok boʻldi

Joriy yilning mart oyidan beri Yamanda avj olgan vabo epidemiyasidan 720 dan ortiq odam halok boʻldi. Mamlakat boʻylab 203 mingdan ortiq kasallik holati qayd etilgan. JSST maʻʻlumotlariga koʻra, Yamandagi sogʻliqni saqlash muassasalarining atigi 51 foizi toʻliq ishlamoqda, 36 foizi esa cheklangan xizmatlarni taqdim etyapti.

BMT bosh kotibining gumanitar masalalar boʻyicha yordamchisi Joys Msuya Yamanda vabo epidemiyasi tarqalishda davom etayotgani, shu yilning mart oyidan buyon mamlakatda 203 mingdan ortiq kasallik holati qayd etilganini taʻʻkidladi.

Xuddi shu davrda epidemiya kamida 720 kishining hayotiga zomin boʻldi, ularning 53 foizi ayollar va qizlar edi, dedi Msui.

Yaman qariyb 10 yil davom etgan fuqarolar urushi tufayli dunyodagi eng yomon insonparvarlik va sogʻliqni saqlash inqiroziga duchor boʻlishda davom etmoqda.

Urush tufayli mamlakatda koʻplab yuqumli kasalliklar keng tarqalgan boʻlib, ayniqsa 2024 yil boshidan buyon vabo kasalligi sezilarli darajada oshgan.

Jahon sogʻliqni saqlash tashkiloti (JSST) maʻʻlumotlariga koʻra, Yamandagi sogʻliqni saqlash muassasalarining atigi 51 foizi toʻliq ishlamoqda, 36 foizi esa cheklangan xizmatlarni taqdim etyapti.

Maʻʻlumot uchun, vabo epidemiyasi ichki urushlar girdobida qolgan Sudan va Nigeriya kabi qashshoq davlatlarda ham keng tarqalmoqda, qurbonlar soni kundan-kunga oshmoqda.