Bangladesh rahbari jahon hamjamiyatini rohinja inqiroziga befarq boʻlmaslikka chaqirdi

Bangladesh rahbari Muhammad Yunus Mьyanmadagi rohinja musulmonlariga qarshi “etnik tozalash”ga barham berish uchun jahon hamjamiyatini jiddiyroq chora koʻrishga chaqirdi.

Dunyodagi eng yirik qochqinlar lageri joylashgan Koks-Bazardagi anjumanda nutq soʻzlagan Yunus "Bangladesh hozirda 1,3 milliondan ortiq rohinjalarni qabul qilganini va bu mamlakat iqtisodi uchun ogʻir yuk boʻlayotgani"ni aytib oʻtgan.

“Bangladesh rohinjalarni joylashtirish uchun tinmay harakat qilmoqda, lekin bu faqat bizning tashvishimiz boʻlmasligi kerak. Jahon hamjamiyati ham rohinja musulmonlari taqdiriga befarq boʻlmasligi shart”, degan vazir.

Yunus, shuningdek, Bangladeshdagi siyosiy-iqtisodiy qiyinchiliklar sabab mamlakatning ushbu vaziyatni yumshatish uchun qoʻshimcha resurslardan foydalanish imkoniyati yoʻqligidan ogohlantirgan.

Maъlumot uchun, ushbu anjuman 30 sentyabrь kuni Nьyu-Yorkda boʻlib oʻtadigan BMT yigʻilishi oldidan tashkil etilgan. Unda Bangladesh xalqaro darajada kuchliroq choralar koʻrishni talab qilishi kutilmoqda.