AQSh Isroiga 20 mlrd dollardan ziyodga qurol-yarogʻ va harbiy texnikalar sotishni maʻʻqulladi
AQSh Davlat departamenti Isroilga 19 mlrd dollarlik F-15 samolyotlari va jihozlarini, shuningdek, taxminan 774 mln dollarlik tank oʻq-dorilari va 583 mln dollarlik harbiy mashinalarni sotishni maʻʻqulladi. Boeing kompaniyasi F-15 qiruvchilarini bir necha yil davomida ishlab chiqarib, etkazib beradi. Tank oʻq-dorilari esa zudlik bilan topshiriladi.
Pentagon
bayonotida aytilishicha, Blinken taxminan 19 mlrd dollarga 50 dona F -15 samolyoti
va jihozlarini sotishni maʻʻqullagan, u shuningdek, taxminan 774 mln dollarlik
tank oʻq-dorilari va 583 mln dollarlik harbiy mashinalarni sotishni maʻʻqullagan.
AQSh
Kongressiga yuborilgan bildirishnomaga koʻra, Boeing So. Kompaniyasining F-15
qiruvchi samolyotlari 18,25 milliard dollar turadi va 2029 yilda etkazib berilishi
kerak. Bundan tashqari, Isroil Mudofaa vazirligi ham AQShdan 50 mingtagacha
minomyot va harbiy transportlar sotib oladi.
Jarayon
bilan tanish boʻlgan ekspertning aytishicha, baʻʻzi qurol-yarogʻlar 2026 yildan ertaroq
ham etkazib berilishi mumkin.
"Qoʻshma
Shtatlar Isroil xavfsizligiga sodiq boʻlib, Isroilga oʻzini himoya qilishga tayyor
boʻlish qobiliyatini rivojlantirish va qoʻllab-quvvatlashga yordam berish AQSh milliy
manfaatlari uchun muhimdir", - deyiladi Pentagon bayonotida.
Isroil
mudofaa vaziri Yoav Galant X ijtimoiy tarmogʻida Isroilning “mintaqadagi sifat
jihatidan harbiy ustunligini” saqlab qolishga yordam bergani va AQShning Isroil
xavfsizligiga sodiqligi uchun AQSh rasmiylariga minnatdorchilik bildirdi.
Gʻazo
urushi boshlangan oktyabrʻ oyidan beri Isroilning eng yirik ittifoqchisi va qurol
etkazib beruvchisi boʻlgan Qoʻshma Shtatlar Isroilga 10 mingdan ortiq kuchli qariyb 1
tonnalik bomba va minglab Hellfire (“Doʻzax otashi”) raketalarini berdi.
Isroilni
har tomonlama qoʻllab-quvvatlab, urush oloviga tinimsiz moy sepib kelayotgan AQSh
boshqa tomondan oʻzini tinchlik va yarashuv uchun kurashayotgan “qahramon” sifatida ham
koʻrsatishga urinmoqda.
Mavzuga aloqador
-
AQSh G'azo sektorida bosqinchilik urushini boshlagan 7 oktabrdan beri Isroil armiyasiga 200 yuk samolyoti orqali 10 ming tonnadan ortiq qurol-yarog' jo'natgan.
-
AQSh Kongressining Vakillar palatasi minimal koʻpchilik ovoz bilan Isroilga uzluksiz qurol etkazib berishni nazarda tutuvchi respublikachilar qonun loyihasini maʻʻqulladi. Kongressda qonun loyihasini 224 senator qoʻllab-quvvatladi, 187 nafari esa qarshi ovoz berdi.
