AQSh Falastinning BMTga toʻliq aʻʻzoligi haqidagi rezolyutsiya loyihasiga veto qoʻydi
AQSh Falastinning BMTga toʻliq aʻʻzoligi haqidagi rezolyutsiya loyihasiga veto qoʻydi. BMT Xavfsizlik Kengashiga aʻʻzo 12 davlat loyihaga «maʻʻqul» ovoz berdi, Buyuk Britaniya va Shveytsariya betaraf qoldi.
Juma kuni
kechqurun BMT Xavfsizlik Kengashi Falastinning BMTga toʻliq aʻʻzo boʻlish istagini
muhokama qildi.
Jazoir
tomonidan tayyorlangan rezolyutsiya loyihasiga ovoz berish jarayonida Qoʻshma Shtatlar
loyihaga veto qoʻydi. 12 davlat yoqlab ovoz berdi. Buyuk Britaniya va
Shveytsariya betaraf qoldi, deya
xabar qilmoqda Anadolu.
Falastin hozirda BMTda “doimiy kuzatuvchi davlat”
hisoblanadi. Bu maqom unga Tashkilotning barcha yigʻilishlarida qatnashish imkonini
beradi, biroq u BMTning asosiy organlarida ovoz berish huquqiga ega emas.
2024 yil 2 aprelda Falastin BMT bosh kotibiga 2011 yilda taqdim etilgan
BMTga aʻʻzolik haqidagi arizasini qayta koʻrib chiqishni soʻrab maktub yoʻlladi. BMT rahbari soʻrovni qabul
qilib, uni Xavfsizlik kengashiga
yubordi, kengash 8
aprelʻ, dushanba kuni ochiq yigʻilishda masalani koʻrib chiqdi. Qoidalarga muvofiq, Xavfsizlik kengashi ushbu masalani yangi
aʻʻzolarni qabul qilish boʻyicha qoʻmitasiga topshirdi.
Qoʻmita 8 aprelʻ va 11 aprelʻ kunlari boʻlib oʻtgan
yigʻilishlarida Falastin taklifini muhokama qildi, biroq yakdil qarorga kelmadi.
2011 yilda Qoʻmita Falastinning ikki oy davomida toʻliq aʻʻzo boʻlish haqidagi
soʻrovini xuddi shunday natija bilan koʻrib chiqqan edi. Har xil takliflar, jumladan, oraliq bosqich ham ilgari surildi.
Shunday qilib, 2012 yil 29 noyabrda Bosh Assambleya Falastinga
Birlashgan Millatlar Tashkilotiga aʻʻzo boʻlmagan BMT kuzatuvchi-davlati maqomini
berish toʻgʻrisidagi rezolyutsiyani qabul qildi. Bu qarorni oʻz vaqtida 138 ta davlat
qoʻllab-quvvatlagan va 9 ta davlat (Kanada, Chexiya, Mikroneziya, Isroil, Marshall
orollari, Nauru, Panama, Palau va AQSh) qarshi chiqqan edi. 41 delegatsiya betaraf qolgandi.
.png)
Mavzuga aloqador
-
AQSh BMT Xavfsizlik Kengashining dunyoning 80 davlati tomonidan ilgari surilgan Gʻazoda zudlik bilan gumanitar sulh talab qilingan rezolyutsiyasiga veto qoʻydi.
-
BMT Bosh Assambleyasi Gʻazoda zudlik bilan gumanitar sulh talab qilingan rezolyutsiya loyihasini 153 ovoz bilan qabul qildi. 10 ta davlat qarshi chiqdi.
