Afgʻonistonda yarim yilda 292 kishi minalardan jarohatlandi, ularning aksariyati – bolalar

Yanvarʻ-iyunʻ oylarida Afgʻonistonda 292 nafar tinch aholi mina va urush davridagi oʻq-dorilar portlashidan jarohat oldi, ulardan 256 nafari bolalardir. BMT maʻʻlumotlariga koʻra, barcha portlashlarning yarmi bolalar oʻynayotgan paytda sodir boʻlgan, yana 15 foizi metallolom yigʻish vaqtida roʻy bergan.

Yanvarʻ-iyunʻ oylarida Afgʻonistonda 292 nafar tinch aholi mina va urush davridagi oʻq-dorilar portlashidan jarohat oldi, ulardan 256 nafari bolalardir. Bu haqda BMTning Gumanitar masalalarni muvofiqlashtirish boshqarmasi (OCHA) X sahifasida xabar berdi.

BMT maʻʻlumotlariga koʻra, barcha portlashlarning yarmi bolalar oʻynayotgan paytda sodir boʻlgan, yana 15 foizi metallolom yigʻish vaqtida roʻy bergan. Olti oy davomida 211 oʻgʻil, 45 qiz, 29 erkak va 7 ayol baxtsiz hodisalar qurboni boʻldi.

Eng koʻp hodisalar Qandahor, Hirot, Gʻazna, Kobul va Nangarhor viloyatlarida qayd etilgan. Mamlakatning ushbu besh viloyatida 51 kishi halok boʻlgan va 67 kishi jarohatlangan.

43 yillik fuqarolar urushi davomida oʻn minglab afgʻon tinch aholi oʻq-dorilar portlashi oqibatida halok boʻldi yoki jarohatlandi. OCHA hisob-kitoblariga koʻra, birgina 1989 yildan beri 45 ming afgʻon yoki har oy 110 kishi minalar va boshqa urush qoldiqlari qurboni boʻlgan.

Mavzuga aloqador

Eng ko‘p o‘qilgan

Tavsiya qilingan