Afgʻonistonda shia hazoralarga uyushtirilgan qurolli hujumda 10 kishi halok boʻldi

Afgʻoniston matbuotiga koʻra, kecha Nehrin tumanida nomaʻʻlum shaxslar shialarga qarata oʻt ochgan.

Afgʻoniston rasmiylari hujum haqidagi xabarlarga hozircha izoh bergani yoʻq.

Ijtimoiy tarmoqlarda hujumda halok boʻlganlarning jasadlari aks etgan suratlar chop etilmoqda. 

Hozircha hech qaysi guruh hujum uchun javobgarlikni oʻz zimmasiga olmadi.

Afgʻonistonda turli qurolli guruhlar, ayniqsa IShID terror tashkiloti afgʻon shialariga qarshi tez-tez qurol yoki portlovchi moddalar yordamida hujumlar uyushtirib turadi.