Ўзбекистонда пулли йўллар қурилиши муддатлари маълум бўлди
Ўзбекистон президенти Шавкат Мирзиёев 30 август куни Тошкент-Самарқанд пулли йўлини қуришни бошлаш кўзда тутилган қарорни имзолади. Ҳужжатга кўра, жорий йилнинг сентябрь ойида Тошкент-Самарқанд пулли йўлини қуриш бўйича энг яхши таклифларни танлаб олиш бўйича тендер эълон қилинади.
Декабрь ойида эса пудратчи аниқланиб, у билан шартнома тузилади ва қурилиш бошланади. Ишларни 2028 йил охиригача якунлаш, кейин эса бошқарувни давлат-хусусий шериклик асосида хусусий операторга ўтказиш кўзда тутилган. Лойиҳанинг дастлабки қиймати 2,2 миллиард долларни ташкил этади.
Шунингдек, Жаҳон банки кўмагида 303 км узунликдаги
Тошкент-Андижон пулли йўлини қуриш режалаштирилган. Май ойида Тошкент халқаро
инвестиция форумида транспорт вазири ўринбосари Жасурбек Чориев Тошкент-Андижон
йўналишидаги пулли автомобиль йўлининг нархи 4,65 миллиард долларига
баҳоланаётганини маълум қилганди.
Қарорда октябрь
ойида лойиҳа концепциясини ишлаб чиқиш ва тасдиқлаш, 2025 йил март ойида
тендернинг биринчи босқичини ўтказиш, октябрь ойида тендернинг иккинчи
босқичини ўтказиш, 2026 йил апрель ойида ғолибни эълон қилиш ва у билан ДХШ
шартномасини тузиш белгиланган.
Транспорт соҳасидаги лойиҳалар орасида 2027−2030 йилларда
Самарқанд ва Бухоро ўртасида 1 миллиард долларлик пулли йўл қурилиши ҳам бор.
Бундан ташқари, «Тахтақорача» довонида пулли туннель
қурилиши белгиланган.
Йил якунига қадар салоҳиятли стратегик компаниялар билан музокаралар олиб
бориш, 2025 йил августига қадар лойиҳа концепциясини тасдиқлаш, 2026 йил
февралига қадар хусусий шерикни танлаш, 2026 йил декабрига қадар ДХШ
шартномасини имзолаш топширилди.
Лойиҳанинг қиймати 100 миллион долларга баҳоланмоқда. Унинг
узунлиги, аввал хабар қилинганидек, 4,4 км бўлиши керак. Ўтган йилнинг октябрь
ойида президент Шавкат Мирзиёев туннель қурилиши 2024 йилда бошланишини айтган
эди.
Мавзуга алоқадор
-
Волгограддаги 19-сонли жазони ижро этиш муассасасида тўрт нафар ИШИД тарафдори бўлган маҳбус ғалаён кўтариб, бир қанча соқчиларни ўлдирди, айримларини асирга олди. Маҳбусларнинг икки нафари ўзбекистонлик, икки нафари тожикистонлик. Ярим соатлик штурм давомида асирлар озод қилинди, бир исёнчи ўлдирилди, икки нафари ярадор бўлди.
-
Қозоғистон Ташқи ишлар вазирлиги Афғонистон дипломатик миссияси раҳбари Муҳаммад Ур Раҳмон Раҳмонийни ишончли вакил сифатида аккредитациядан ўтказди. Бундан кўзланган мақсад икки мамлакат ўртасидаги савдо-иқтисодий ва гуманитар ҳамкорликни кенгайтиришдан иборат экани маълум қилинди.
