Қувайт компанияларига Ўзбекистондаги мингдан ортиқ давлат корхоналарини хусусийлаштиришда иштирок этиш таклиф қилинди
Тошкентда Ўзбекистон ва Қувайт ўртасидаги иқтисодий ҳамкорликни ривожлантириш масалаларига бағишланган бизнес-форум бўлиб ўтди, дея хабар бермоқда uzdaily.uz.
Форумда
сўзга чиққан Ўзбекистон инвестициялар, саноат ва савдо вазири ўринбосари Акрам
Алиев Қувайт компаниялари билан соғлиқни сақлаш, қишлоқ хўжалиги, туризм каби йўналишларда
қўшма лойиҳалар амалга оширилаётганини таъкидлади. Алиев Ўзбекистон ва
Қувайт ўртасидаги ҳамкорлик янги тармоқларни қамраб олган ҳолда янада кенгайиши, сармоя ва қўшма
ташаббуслар учун янада кенг имкониятлар очишига ишонч билдирди.
Форум
давомида кончилик, энергетика, тўқимачилик, қишлоқ хўжалиги, логистика
ва соғлиқни сақлаш каби соҳаларда ҳамкорликни ривожлантириш имкониятлари
муҳокама қилинди.
Ўзбекистонда Қувайт тадбиркорлари учун очилаётган сармоявий имкониятлар,
жумладан, мингдан ортиқ давлат компанияларининг хусусийлаштириш дастурида
иштирок этишига алоҳида эътибор қаратилди. Ушбу дастур мамлакат иқтисодиётини
мустаҳкамлаш ва хорижий сармояларни жалб қилиш йўлидаги стратегик қадам
сифатида кўрилмоқда.
Қувайтлик ҳамкорларга Ўзбекистон логистика инфратузилмасини
ривожлантиришда иштирок этиш имкониятларини кўриб чиқиш таклиф этилди.
Тақдимотлар давомида транспорт-логистика имкониятлари Марказий Осиёни Европа ва
Осиё минтақаларини боғловчи муҳим глобал савдо марказига айлантириш салоҳиятига
эга эканлиги таъкидланди. Бу, ўз навбатида, халқаро савдонинг янги
йўналишларини яратиши
ва минтақада иқтисодий ўсиш учун қўшимча истиқболларни очиши айтилди.
Форум иштирокчилари икки томонлама савдо алоқаларини
мустаҳкамлаш муҳимлигини қайд этиб, фаол тажриба ва технологиялар алмашишга
тайёр эканликларини билдирдилар. Ўзаро товар айирбошлаш ҳажмини ошириш,
иқтисодиётнинг турли тармоқларида янги қўшма корхоналар ташкил этиш бўйича
таклифлар билдирилди.
Шу тариқа, Тошкентдаги бизнес-форум Ўзбекистон ва Қувайт
ўртасидаги ўзаро манфаатли шерикликни ривожлантириш борасидаги истиқболдаги
қадамларни муҳокама қилиш ва белгилаш учун муҳим майдонга айланди. Томонлар
иқтисодиётнинг муҳим тармоқларидаги ҳамкорлик бундан буён ҳам кенгайиб
боришига, ҳар икки давлатнинг барқарор ривожланишига ва халқаро майдондаги мавқеини
мустаҳкамлашга хизмат қилишига ишонч билдирди, дейилади хабарда.
Мавзуга алоқадор
-
Қозоғистоннинг 8 та вилоятида ўтказилган тезкор тадбирларда қатор террорчилик ва жиноий гуруҳларга алоқадор 23 киши қўлга олинди, қурол-яроғ ва наркотик моддалар мусодара қилинган. Қўлга олинганларнинг ўз фаолиятларини диний ниқоб остида амалга оширилгани айтилмоқда.
-
Anorbank ҳамда Хусусий секторни ривожлантириш бўйича Ислом корпорацияси Ўзбекистонда биринчи Ислом банкини ташкил этиш лойиҳасини ҳамкорликда амалга оширишга келишиб олди.
