Исроил ҲАМАСнинг ҳарбий қаноти етакчиси Муҳаммад ад-Дайф ўлдирилганини эълон қилди
Исроил мудофаа вазири Йоав Галант Ад-Дайфнинг Исроил армияси ва ички разведка хизмати томонидан уюштирилган суиқасдда ўлдирилганини айтди. ҲАМАС ҳозирча ушбу хабарларга изоҳ бергани йўқ.
13 июль
куни Исроил ҳарбий-ҳаво кучлари Ғазо секторидаги Хон Юнус шаҳри ғарбидаги Ал-Мавази
ҳудудига йирик зарбалар берди. Исроил армияси аввалроқ «хавфсиз» деб эълон
қилган ҳудудга ҳаво ҳужуми натижасида 90 нафар фаластинлик, уларнинг ярми
аёллар ва боллар, ҳалок бўлди, юзлаб инсонлар яраланди.
Исроил
армияси Ад-Дайф ва ҲАМАСнинг Хон Юнус шаҳридаги ҳарбий қаноти раҳбари Рафи Салам
ҳужум нишонлари бўлганини билдирди.
ҲАМАС
Ад-Дайфа ўлдирилгани ҳақидаги хабарларни рад этиб, Исроил Ғазода тинч аҳолига
қарши содир этилган жиноятларни яшириш учун ҳаракатнинг жангарилар қаноти
етакчилари номидан фойдаланаётганини айтди.
Исроил оммавий ахборот воситалари учун "Арвоҳ қўмондон": Ад-Дайф
Ад-Дайф 1956 йилда Хон Юнусдаги қочқинлар лагерларидан
бирида туғилган. 1987 йилда у ўша пайтда эндигина шаклланаётган Фаластин
қаршилик ҳаракати ҲАМАСга
қўшилди.
1989 йилда Исроил армияси Ғазо секторига уюштирилган йирик
ҳужумлар пайтида Ад-Дайфани ҳибсга олди ва судсиз 16 ой панжара ортида ушлаб
турди.
Ад-Дайф озод бўлганидан кейин Иззиддин Ал-Қассам бригадалари
сафида Исроилга қарши кўплаб қуролли ҳаракатларни амалга оширди.
Муҳаммад Ад-Дайф – ҲАМАС ҳарбий қанотининг асосчиларидан
бири ва таниқли раҳбарларидан.
Исроил Ад-Дайфани ўлдириш учун Ғазо секторига етти марта ҳужум уюштирди, бироқ
мақсадига эриша олмади. Ўққа тутилиши натижасида фақат тинч аҳоли ҳалок бўлди.
2014 йилда эксклавга уюштирилган йирик ҳужумлар пайтида
Исроил Ад-Дайфа ўлдирилгани ҳақида хабар берган, аммо бу хабарлар асоссиз бўлиб
чиқди. Кейинчалик
Исроил оммавий ахборот воситалари Ад-Дайф ҳақида "арвоҳ қўмондон" деб ёзишни бошлади.
Исроил хавфсизлик агентлиги Ад-Дайфни қўлга олиш учун жадал
ҳаракатлар олиб бораётганини тан олди.
Мавзуга алоқадор
-
Туркия ташқи ишлар вазири Ҳоқон Фидан Фаластиннинг ҲАМАС ҳаракати Сиёсий бюроси раиси Исмоил Ҳания билан учрашди. Томонлар Ғазо секторида сулҳни тезроқ ўрнатиш имкониятлари, Фаластин анклавига инсонпарварлик ёрдами ҳажмини ошириш ва маҳбусларни озод қилиш масалаларини муҳокама қилди.
-
“Ақсо тўфони” бошланганидан сўнг исроилликларнинг ҲАМАСни тор-мор этиш ҳақидаги ҳайқириқлари авж олди ва уларга ғарбнинг йирик давлатлари ҳам қўшилди. Уларнинг мақсади Ғазо секторидаги ҲАМАС бошқарувини тугатиш ва Фаластин ҳукумати қарорларини қабул қилишда унинг таъсирини йўқотиш эди. Бу ҳаракатлар ҲАМАСни дунё халқлари олдида террор ташкилот сифатида гавдалантириш, шунингдек уни Яқин Шарқдаги тинчлик ва осойишталикка ҳалал берадиган ягона тўсиқ қилиб кўрсатиш, араб мамлакатларининг ташқи алоқалари, хавфсизлиги учун таҳдид этиб намоён қилиш ташвиқотлари билан бошланди. Демак, уларнинг фикрича, ҲАМАС барча муаммонинг сабабчиси, ҲАМАСнинг йўқ қилиниши минтақадаги тинчликка олиб борадиган ягона йўл.
