Бомбаланаётган Ғазо: 270-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 270 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Рафаҳ, Хон Юнис, Нусейрат ва Шужая лагерларига
ҳужум қилди. Ўнлаб одамлар ҳалок бўлди. Уруш бошланганидан буён 37,9 минг киши
шаҳид бўлди.
▪️Ғарбий Соҳилда босқинчилар Женин, Байтлаҳм, Тубас ва Балат
лагерига бостириб кирди. Ўнлаб фаластинликлар ҳибсга олинган, бир ўсмир ҳалок
бўлган.
▪️Босқинчилар Хон-Юнисда янги ҳарбий операция бошлаш режасини эълон қилганидан 3
соат ўтиб, шаҳар катта ҳужумларга учради. 20 дан 40 нафаргача одам ҳалок бўлди. Уларнинг
аксарияти болалардир.
▪️Босқинчилар Хон-Юнисдаги Европа касалхонаси шифокорлари ва
беморларини эвакуация қилишни буюрган. Юзлаб ярадорларни замбилда ташишмоқда, кўчириш мумкин
бўлмаган беморлар ҳам бор.
▪️Ал-Қассам жангчилари Нитсарим ўқида бир тўда нацистларни йўқ қилди.
Босқинчилар ушбу амалиётни "оғир воқеа" деб атади.
▪️Хусийлар
Ҳинд океани, Қизил ва Ўрта ер денгизларида АҚШ, Буюк Британия ва Исроил билан
боғлиқ бўлган тўртта кемага ҳужум қилишди.
▪️Охирги 24 соат ичида Ҳизбуллоҳ босқинчиларга қарши 7 та
ҳарбий амалиёт ўтказди.
▪️БМТ махсус маърузачиси: Ҳаракатсиз қоралаш сўзлари
маъносиз. Дарҳақиқат, ўнлаб йиллар давомида оддий сўзлар Исроилга фаластинликларга
нисбатан қонунсизликни геноцид даражасига олиб чиқишга имкон берди.
▪️Ғазо ҳукумати: 7 октябрдан бери Ғазода ишғолчилар
ҳужумлари туфайли 153 журналист ҳалок бўлди.