Бомбаланаётган Ғазо: 182-куннинг асосий воқеалари

Исроил Ғазо секторида босқинчилик ва қирғинбарот урушини бошлаганига 182 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

▪️ Босқинчилар Хон Юнис, Рафаҳ ва Ғазо шимолига ҳужум қилди. Кун давомида 62 киши ҳалок бўлди ва 7 октябрдан буён Ғазода Исроил ҳужумлари натижасида жами 33 037 киши шаҳид бўлди, 75 668 киши яраланди.

▪️ Бугун тунда Ғарбий Соҳилда ишғолчилар Ал-Ақсо масжидида намозхонларга ҳужум қилди. Одамларга кўздан ёш оқизувчи газ пуркалди, ўнлаб намозхонлар ҳибсга олинди. Тулкармда бир йигит отиб ўлдирилди.

▪️ Исроил Ғазога инсонпарварлик ёрдами етказилиши учун янги йўналишлар, жумладан, ҲАМАС билан уруш бошланганидан бери ёпиқ бўлган анклав шимолидаги «Эрез» назорат-ўтказиш пунктини очишини маълум қилди.

▪️ БМТнинг Инсон ҳуқуқлари кенгаши Исроилга қурол экспортини тақиқловчи резолюцияни 28 кўпчилик овоз ва 6 давлат қарши овоз билан қабул қилди.

▪️ Жанубий Кипр юнон маъмуриятининг маълум қилишича, 240 тонна гуманитар ёрдам олиб кетаётган кемалар Ғазодан фаластинликларга етказмасдан қайтган. Бу Ғазодаги Исроил ҳаво ҳужумида 7 нафар ёрдам ходими ҳалок бўлганидан бир кун ўтиб содир бўлди.

▪️Ал-Қассам бригадалари: Сдерот, Ашкелон ва Нирамга ракета отилди.

▪️Ҳизбуллоҳ Юқори Жалилага зарбалар беришни бошлади. Маълум қилинишича, ишғол аскарлари яраланган.

 ▪️Фаластин Қизил Ярим Ой жамияти: Ғазода очлик ва сувсизликдан ўлган болалар сони 31 нафарга етди.

 ▪️ ЮНИСЕФ: Ғазодаги 10 та мактабдан 8 таси вайрон бўлган.

 ▪️ Sky News: Британия қуролларининг Исроилга экспортини назорат қилаёганлар Ғазодаги уруш жиноятларига алоқадор бўлишдан қўрқиб, ўз ишларини тўхтатишга қарор қилишди.

▪️ Ғазодаги қирғинлар муносабати билан Мальдив ҳукумати исроилликларнинг мамлакатга киришини тақиқлади. Депутатлар мамлакат иммиграция қонунчилигига киритилган ўзгартишларни бир овоздан маъқуллади.

▪️ Бирлашган Араб Амирликлари Ғазода БМТнинг 7 ходими ўлдирилгани ортидан Исроил билан барча дипломатик алоқаларни тўхтатганини эълон қилди. Исроилнинг i24News ахборот агентлигининг хабар беришича, Амирлик расмийлари бу хабарни тасдиқлаган ҳолда Тел-Авив ва Абу-Даби ўртасидаги муносабатларни “энг қоронғу” деб атаган.

Мавзуга алоқадор

Энг кўп ўқилган

Тавсия қилинган

Реклама