Бомбаланаётган Ғазо: 180-куннинг асосий воқеалари

Исроил Ғазо секторида босқинчилик ва қирғинбарот урушини бошлаганига 180 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

▪️ Босқинчилар Хон Юнис ва Рафаҳга ҳужум қилишди. Кун давомида 71 киши шаҳид бўлди, 102 киши яраланди.

▪️ Қирғинбарот бошланган 7 октябрдан буён Исроил ҳужумлари натижасида жами 32 916 фаластинлик, жумладан, 14280 нафар бола ва 9340 нафар аёл ҳалок бўлди, 75 392 киши жароҳатланди.

▪️ Ал-Қассам бригадалари: Дайр ал-Балаҳдаги уйда жойлашган босқинчиларни йўқ қилдик. Уларнинг ҳарбий техникасини ҳам ишдан чиқардик.

▪️ Ғарбий Соҳилда ишғолчилар Тубасга бостириб кирди ва у ерда Фаластин қаршилик кучларининг тўқнашувига дуч келишди. Наблус, Хеврон ва Қалқиля ҳам ҳужумга учради, бу ерда ўнлаб фаластинликлар ҳибсга олинган.

▪️ Ғарбий Соҳилда икки нафар ёш фаластинлик босқинчи аскарлар устига машина ҳайдаши натижасида 4 полициячи жароҳатланди. Фаластинлик йигитлардан бири шаҳид бўлди, иккинчиси қочиб қутилган.

▪️ БМТ бош котиби Антони Гутерриш: 7 октябрдан бери Исроил ҳужумлари натижасида Ғазода ҳалок бўлган инсонпарварлик ходимлари сони 196 кишига етди.

▪️Босиб олинган Фаластин ҳудудларида юзлаб намойишчилар Нетаняхининг қароргоҳига бостириб киришга ҳаракат қилишди.

▪️ Испания шу йилнинг июль ойида Фаластин мустақиллигини тан олишини маълум қилди.

Мавзуга алоқадор

Энг кўп ўқилган

Тавсия қилинган

Реклама