Бомбаланаётган Ғазо: 164-куннинг асосий воқеалари
Исроил Ғазо секторида босқинчилик урушини бошлаганига 164 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар дайжести.
▪️ Босқинчилар бутун секторга ҳужум қилишди: Шифа
касалхонаси, Байт Лаҳиа, Хон Юнис ва Ғазо маркази. Кун давомида 9 та оммавий
қотиллик содир этилди, бунинг натижасида 92 киши шаҳид бўлди, 130 киши
яраланди.
▪️ Исроилнинг
Ғазо секторида 7 октябрдан бери давом этган тажовузи натижасида ҳалок бўлган фаластинликлар
сони 31 645 нафарга етди, яна 73 676 нафари яраланди.
▪️ Ғарбий
соҳилда босқинчилар Тулкарм, Калкиля ва Байтлаҳм шаҳарларига бостириб кирди. 25
нафар фаластинлик, жумладан, озод этилган маҳбус Равда Абу Ажамия ва
Ал-Халилдан (Хеврон - ибронийча) бир нечта имомлар ҳибсга олинган.
▪️ ЮНИСEФ
раҳбари: Исроилнинг Ғазога ҳужуми натижасида 13 мингдан ортиқ бола ҳалок бўлди.
Биз болалар ўлимининг бундай даражасини дунёнинг бошқа ҳеч бир можаросида
кўрмаганмиз.
▪️ Ироқ
қаршилик кучлари: Биз
Суриянинг босиб олинган Голан шаҳридаги Исроил базасига учувчисиз самолётлар
билан ҳужум қилдик.
▪️ Босқинчилар
Ливан жанубидаги Рамиа шаҳрига ҳужум қилди.
▪️ ЮНРВА:
Исроилнинг Ғазога уюштирган ҳужумлари натижасида 23 млн тонна вайрона ҳосил
бўлди. Вайроналарни йиғиштириш, портламай қолган ўқ-дориларни
зарарсизлантиришга йиллар керак бўлади. Уйлар, мактаблар, шифохоналар ва бошқа
фуқаролик инфратузилмалари вайрон бўлди.
▪️ Исроил
ва АҚШ Ғазо секторида "гуманитар ёрдамни ҳимоя қилиш ва тарқатишда кўмаклашиш"
баҳонасида сектор ҳудудига Executive Outcomes, Aegis Defence Services ва/ёки аввал
BlackWater ва Triple Canopy номлари билан машҳур бўлган Constellis каби хусусий
ҳарбий компаниялар хизматидан фойдаланишни режалаштирмоқда. Таҳлилчилар буни
Ғазога Америка қўшинларининг киритилиши учун «бўшлиқ» деб ҳисобламоқда.
▪️Исғол вазири Бен Гвир яҳудийларга Рамазон ойининг охирги ўн
кунлигида Ал-Ақсо масжидига бостириб киришга рухсат берилишини талаб қилмоқда.