Туркия Японияга электр микроавтобуслар сотишни бошлади
Туркиянинг Karsan компанияси Европа ва Шимолий Америкадан сўнг E-JEST электр микроавтобуслари билан Япония бозорига ҳам кириб келди. Бу ҳақда Ihlas ахборот агентлиги (IHA) хабар қилди.
Компания
раҳбари Окан Баш: “электр жамоат транспорти нуқтаи назаридан Японияга ҳеч қайси
Европа бренди кириб келмаган, биз биринчи бўламиз”, - деди. Унинг қўшимча
қилишича, биринчи босқичда 100 дона автомобилга буюртма берилган бўлиб, айни
пайтда компания Япония талабларига мос равишда микроавтобусларни ўнг рулли
қилиб ишлаб чиқармоқда.
6 метр
узунликдаги электр микроавтобус бир марталик қувват билан 210 км масофани босиб
ўтади ва 4 соатда тўлиқ қувват олади. Автомобилга BMW`нинг 135 кВтлик электр
мотори ўрнатилган.
Окан Башнинг таъкидлашича, E-JEST кетма-кет учинчи йилдирки ўз сегментида Европада етакчиликни эгаллаб келмоқда.
.png)
Мавзуга алоқадор
-
Туркия ижтимоий тармоқларда исроил аскарлари турк иссиқ ички кийимларини қабул қилиб олаётгани акс этган видеоёзув бўйича муносабат билдирди. Таъкидланишича, видеодаги кийимлар эски партиядан.
-
Аташеҳир тумани Миллий таълим мудирлиги мактабларга дарс соатларини жума намозига кўра ташкил этиш бўйича кўрсатма юборди.
