Россиядаги ЙТҲда 7 ўзбекистонлик ҳалок бўлди
Россиянинг Нижний Новгород вилоятида йўл-транспорт ҳодисаси оқибатида 7 нафар ўзбекистонлик вафот этди, дея хабар бермоқда Ўзбекистоннинг РФдаги элчихонаси.
Қайд этилишича, ҳолат 1 сентябрь куни соат 11:00 атрофида
М-12 «Восток» федераль автомагистралининг Навашинский туманидан ўтган қисмида
содир бўлган. 32 ёшли Тожикистон фуқароси бошқарувида бўлган Hyundai
микроавтобуси «Қозоғистон-Москва» йўналишида ҳаракатланиб кетаётиб, КІА сerato
машинаси билан тўқнашган.
Оқибатда 8 киши ҳалок бўлган, улардан 7 нафари Ўзбекистон
фуқаролари (6 эркак ва бир аёл) экани аниқланган. 3 нафар фуқаро (икки эркак ва
бир аёл) турли хил тан жароҳатлари билан вилоят тиббиёт муассасаларига жойлаштирилган.
Ўзбекистон
президенти
топшириғига мувофиқ, ҳукумат томонидан тез орада ҳалок бўлганларнинг
жасадларини ватанига қайтариш билан боғлиқ барча ташкилий масалаларни тезкорлик
билан ҳал этиш бўйича зарур чоралар кўрилмоқда.
Ушбу масала Вазирлар Маҳкамаси ва Москвадаги элчихона
томонидан алоҳида назоратга олинган.
Ўзбекистоннинг Қозондаги бош консулхонаси раҳбарияти ва
Ташқи меҳнат миграцияси агентлиги ваколатхонаси ходимлари воқеа жойида зарур
ёрдам кўрсатмоқда, дейилади хабарда.
Мавзуга алоқадор
-
Президент Шавкат Мирзиёев Қурбон ҳайити муносабати билан Ўзбекистон халқига табрик йўллади. У шу кунларда Ҳаж зиёрати сафарида бўлган 15 минг нафар ўзбекистонликни ҳам тилга олиб, зиёратчиларнинг ҳаж ибодатларини тўлиқ адо этиб, ватанга соғ-омон қайтиб келишларини тилаган.
-
Эронда энг қадимги туркий тиллардан бири ҳисобланган халаж тили унда сўзлашувчилар сони камайиб бораётгани сабабли йўқ бўлиб кетиш арафасида. Шу боис халаж тили Эроннинг номоддий миллий мерос рўйхатига киритилди. Маълумотларга кўра, бугунги кунда 19 мингга яқин киши ушбу тилда сўзлашади.
