Ўзбекистонда биринчи Ислом банкини яратиш бўйича келишувга эришилди
Anorbank ҳамда Хусусий секторни ривожлантириш бўйича Ислом корпорацияси (ХСРИК) Ўзбекистонда биринчи Ислом банкини ташкил этиш лойиҳасини ҳамкорликда амалга оширишга келишиб олди. Бу ҳақда банк матбуот хизмати хабар қилди.
Қайд
этилишича, 27-30 апрель кунлари Саудия Арабистони пойтахти Ар-Риёд шаҳрида
бўлиб ўтган Ислом тараққиёти банкининг йиллик анжуман йиғилиши доирасида Хусусий
секторни ривожлантириш бўйича Ислом корпорацияси билан ўзаро англашув
меморандуми имзоланди. Унга кўра банк ва ХСРИК инвестиция имкониятлари,
молиялаштиришни ўрганиш ва аниқлашда яқиндан ҳамкорлик қилишни режалаштирмоқда.
Хусусан, Anorbank
ва ХСРИК Ўзбекистонда биринчи Ислом банкини ташкил этиш лойиҳасини биргаликда
ишлаб чиқишга келишиб олдилар.
“ХСРИК,
Anorbank ва бошқа хорижий
компаниялар инвестиция киритиши кутилаётган янги банк Ўзбекистон қонунчилигига
мувофиқ ташкил этилади ва мамлакатимиз иқтисодиётига хорижий сармояларни жалб
этиш ва халқаро ҳамкорликни ривожлантиришга хизмат қилади”, - дейилади хабарда.
Маълумот учун: Хусусий секторни ривожлантириш бўйича Ислом
корпорацияси (ХСРИК) кўп томонлама ривожланиш молия институти бўлиб, у ўзига
аъзо мамлакатларнинг иқтисодий ривожланишини қўллаб-қувватлайди. Жидда шаҳрида
жойлашган ушбу корпорация Ислом тараққиёти банки (ИДБ) гуруҳининг бир қисми
саналади.
Anorbank эса
Ўзбекистондаги биринчи маҳаллий рақамли тижорат банки ҳисобланади.
.png)
Мавзуга алоқадор
-
Ислом тараққиёт банки 2024-2028 йилларда Ўзбекистоннинг Самарқанд, Сурхондарё ва Қашқадарё вилоятларида қишлоқлар инфратузилмасини яхшилашга 20 йил муддатга 260 млн долларлик имтиёзли қарз ажратади.
-
Ўзбекистон мусулмонлари идораси раиси, муфтий шайх Нуриддин Холиқназар ҳазратлари Ислом олами уюшмаси таркибидаги Исломий фиқҳ академияси аъзолигига қабул қилинди.
