Саудия Арабистонида 105 ёшли онахон ўқиш-ёзишни ўрганишни бошлади
Саудия Арабистони Таълим вазирлиги томонидан жорий йилнинг ёзида Жизандаги Таълим бош бошқармаси орқали бошланган саводхонлик кампаниясида 800 дан ортиқ кекса эркак ва аёл, жумладан, 105 ёшли аёл иштирок этди, дея хабар қилди Arab News.
Вилоятнинг
Самта, Аҳад ал-Масариха, Эл-Харт ва Эл-Арида туманларида жойлашган 28 та ўқув
марказида 233 нафар эркак ва 599 аёл таҳсил олмоқда.
Улардан
бири 105 ёшли Шакраа Тохари бўлиб, у Аҳад Ал-Масарих шаҳридаги Ал-Дабра таълим
маркази ўқиш-ёзишни ўрганди.
Унинг
сўзларига кўра, синф тахтаси олдида туриб алифбо ҳарфлариниёзиш, ўтирган жойида
рақамларни ёзиш ва ўқиш, Фотиҳа сурасини ёки Қуръони Каримдан қисқа сураларни
ўқиш унга завқ берган.
"100
ёшдан ошган бўлсам-да, ўқиш ва ёзишни ўрганишга иштиёқ билан қарадим. Бу менинг
кўп йиллар, ўнлаб йиллар давомида кутган орзуим", - деди у.
“Барча
қийинчиликларга ва қариганимга қарамай, бу орзуим ҳақиқатга айланди. Бу мен ҳеч
қачон қўлдан бой бермаган олтин имкониятдир”, - деди Тоҳари.
Онахоннинг
айтишича, бутун умри давомида беш ўғил ва тўрт қизни тарбиялаган. Уларга таълим
бериб, умрини уларга бағишлаган. Уларга ниманидир ўргатишни ва уй вазифаларини
бажаришда ёрдам беришни хоҳлаган.
Мавзуга алоқадор
-
Исроилнинг Ғазо сектори ва Ғарбий Соҳилдаги жиноятларини ҳужжатлаштириб борувчи махсус сайт ишга туширилди. Унда сионистлар геноцидини исботловчи фото ва видеодалиллар, Исроил ҳукуматининг манфур баёнотлари ҳамда экспертларнинг баҳолари бериб борилмоқда.
-
Германия Вакиллар палатаси ҲАМАСнинг ҳарбий қаноти Ал-Қассам бригадалари ўз видеоларида нишонларини кўрсатиш учун қўллаган қизил тескари учбурчакни тақиқлаш учун овоз берди. Мухолифатчи партиялар ушбу ташаббусни танқид қилиб, бу каби тақиқлар ўринсиз экани, қизил учбурчаклар эса турли ташкилотлар томонидан узоқ йиллардан буён фойдаланиб келинаётгани ва янги тартиб уларни автомат равишда жиноятчига айлантириб қўйишини таъкидлади.
