Исроилда ультраортодоксал яҳудийлар мажбурий ҳарбий хизматга чақирилади
25 июнь куни Исроил Олий суди бир овоздан ультраортодоксал эркакларни мажбурий ҳарбий хизматга чақириш бўйича қарор чиқарди.

Суд қарорига кўра, мамлакатда яҳудий семинарияси талабалари ва бошқа чақирилувчилар ўртасидаги фарқни кўрсатадиган қонун йўқлиги сабабли Исроилнинг мажбурий ҳарбий хизмат тартиби бошқа фуқаролар сингари ультраортодоксалларга ҳам тегишли бўлади.

Шу пайтгача ультраортодоксал яҳудийлар мажбурий ҳарбий хизматдан озод қилинган эди. Бу истиснолар узоқ вақтдан бери бошқа тоифаларнинг ғазабига сабаб бўларди. Исроилнинг Ғазога босқини эса бу келишмовчиликни янада кучайтирди.

Шундан келиб чиқиб, босқинчи давлат суди "барча одамлар қонун олдида тенглиги ва айни пайтгача бу тамойилга риоя этилмаётгани"ни аниқлаган.

Нетаньяху бошчилигидаги ҳукуматнинг ортодоксал яҳудийларни армияга чақирмасликка уринишлари дунёвий партиялар, Исроил мухолифати, шунингдек, ҳалок бўлган аскарларнинг қариндошлари орасида норозилик уйғотган.

Таҳлилчиларга кўра, янги тартиб  Нетаньяху ҳукмрон коалициясининг емирилишига олиб келиши мумкин. Қонун лойиҳаси танқидчилари ортодоксал яҳудийларнинг ҳарбий хизматга ёки дунёвий ишларга тайёр эмаслигини айтишмоқда. Имтиёзларнинг олиб ташланиши уларнинг коалициядан чиқиб кетишига оқибатда ҳукуматнинг қулашига ва янги сайловлар ўтказилишига олиб келиши мумкин.

Маълумот учун, ортодоксал яҳудийлар Исроил аҳолисининг тахминан 13 фоизини ташкил қилади.

Мавзуга алоқадор

  • Ҳиндистондаги парламент сайловларида Модининг партияси кўпчилик ўринни йўқотди

    Ҳиндистонда бўлиб ўтган парламент сайловларида миллатчилик сиёсатини юритаётган бош вазир Нарендра Модининг ҳукмрон Бҳаратия Жаната партияси парламентдаги кўпчилик ўринни йўқотди. Бу 2014 йилда ҳокимият тепасига келган Моди учун кутилмаган зарба бўлди. Эндиликда Моди ҳокимиятда қолиш учун коалициядаги ҳамкорлар билан музокара олиб боришга мажбур. Таҳлилчиларнинг фикрича, мамлакатда исломофобия ва миллатчилик кайфияти янада кучаяди.

    Давомини ўқиш...

  • Эрон президенти вертолёти ҳалокатга учради. Тафсилотлар

    Кеча Эрон президенти Иброҳим Раисий бўлган вертолёт Эрон-Озарбайжон чегараси яқинида «қаттиқ қўнди». Ноқулай об-ҳаво шароити ва қоронғилик туфайли қидирув-қутқарув ишлари қийинлашди. Туркия тунда кўриш тизими билан жиҳозланган вертолёт ва альпинистлар юборди. Раисийнинг ҳалок бўлгани маълум қилинди. Ўзбекистон ТИВ муносабат билдирди. Ҳодиса тафсилотлари.

    Давомини ўқиш...

Энг кўп ўқилган

Тавсия қилинган

Реклама