Исроил Мудофаа вазирлиги Ҳизбуллоҳ билан дипломатик музокаралар ўтказишга тайёр
Исроил мудофаа вазири Йоав Галлант Тел-Авивнинг Ҳизбуллоҳ ҳаракати билан боғлиқ муаммони дипломатик йўллар билан ҳал қилишга тайёрлигини билдирди. Anadolu агентлигининг Исроил мудофаа вазирлиги матбуот хизмати хабарига таяниб хабар беришича, вазир бу ҳақда Тел-Авивда АҚШ президентининг катта маслаҳатчиси Амос Хокштейн билан учрашувда маълум қилган.
Таъкидланишича,
томонлар Ливан билан чегарадаги хавфсизлик ҳолати ва кўчирилган
исроилликларнинг ўз уйларига қайтиш йўлларини муҳокама қилган.
“Биз Ливан жанубидаги Ҳизбуллоҳ билан муаммони дипломатия орқали
ҳал қилишга тайёрмиз. Аммо бошқа сценарийга ҳам
тайёрмиз”, - деган
Галлант.
Вазир Исроилнинг Ливан билан чегарадаги хавфсизлик ҳолатини
яхшилаш ва у ердан келаётган ҳужум таҳдидини бартараф этиш қатъиятини
таъкидлади.
Аввалроқ
Галлант Ғазо секторида ўт очишни тўхтатиш келишувига эришилган тақдирда ҳам
Ливандаги Ҳизбуллоҳ ҳаракати билан тўқнашувлар давом этишини билдирганди.
2023 йил 8 октябрдан бери Исроил армияси ва Ҳизбуллоҳ
ҳаракати ўртасидаги чегарада тўқнашувлар давом этмоқда.
.png)
Мавзуга алоқадор
-
Ливанда Ҳизбуллоҳ билан кескинлик кучайгани ортидан Исроил ССВ мамлакат шимолидаги касалхоналарга минглаб ярадорларни қабул қилишга тайёр туришни топширди.
-
Исроил-ҲАМАС можароси туфайли бугун фаластинликларнинг шафқатсизларча қирилаётгани, ёш гўдаклар, кексалар ва аёлларнинг геноцидга учраётгани Яқин Шарқдаги вазиятни кескинлаштириб юборди. Ҳатто зиддиятга Ливаннинг катта нуфузга эга бўлган “Ҳизбуллоҳ” ҳаракатининг аралашиб қолиш эҳтимолини юзага келтирди. Тўғри, ҳозирча Исроил ва “Ҳизбуллоҳ” ўзаро жанги чегарадош ҳудудларни ўққа тутиш билан чегараланган. Аммо зиддият 2006 йил июлидаги 34 кунлик, Исроилнинг мағлубиятига олиб келган уруш каби кенг қамровли ҳарбий ҳаракатларга олиб келмаслигига ҳеч ким кафолат бермайди. Azon Global сисий таҳлилчи Абдували Сойибназаровнинг бу борадаги мулоҳазаларини эътиборингизга ҳавола этамиз.
