Бомбаланаётган Ғазо: 264-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 264 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Рафаҳ, Хон Юнис, Байт Лаҳия ва Нусайрат
лагерига ҳужум қилди. 24 соат ичида 56 киши шаҳид бўлди.
▪️48 соатдан камроқ вақт ичида босқинчилар кўчирилганлар
билан 5 та мактабга ҳужум қилишди.
▪️Ал-Қассам бригадалари Нитсарим ўқида босқинчилар отрядига
ҳужум қилди ва Киссуфим ҳарбий объектини миномётлардан ўққа тутди.
▪️Ҳусийлар Исроилга йўл олган
MSC Sarah V контейнер
кемасига баллистик ракеталар билан зарба беришди.
▪️Ироқ исломий қаршилик кучлари Умм ар-Рашрашдаги ҳарбий
базага ҳужум қилди.
▪️ЮНРВА
раҳбари: Ғазо секторида ҳар куни 10 нафар бола бир ёки икки оёғидан айрилади.
▪️Ғазо ҳукумати: 50 кундан бери Ғазога ёрдам етиб келгани йўқ.
▪️Босқинчи
матбуоти: Армия аскарлар етишмаслигидан қийналмоқда ҳамда кўнгиллилар, ҳаредимлар ва
чақирилувчилардан иборат янги бўлинмаларни шакллантиришга ҳаракат қилмоқда.
▪️Чегара билмас шифокорлар ташкилоти Ғазодаги 6-ходимининг
ўлдирилиши муносабати билан
мотам тутмоқда. 33 ёшли шифокор Фади Ал-Вадия ишга велосипедда кетаётганда
исроил дрони
томонидан ҳалок бўлди.
▪️Reuters: АҚШ ҳарбий-денгиз кучлари патруллари ва Ғазо
соҳилидаги Америка командослари
суратлари чоп этилди.