Salaflar qalb haqida
Tobeinlardan Mujohid ibn Jabr rahimahulloh aytadi:
"Qalbni inson kaftiga mengzatsa boʻladi; kishi bir gunoh
qilsa qalbidan bir barmoq bukiladi, yana bir gunoh qilsa yana biri hatto, hamma
barmogʻi bukilgach, mushtdek qotadi-da, keyin unga muhr uriladi..." Hilyatul
avliyo kitobi, 3/282.
* * *
Makhul Dimashqiy rahimahulloh:
"Eng kam gunoh qilganlar eng qalbi yumshoq
kishilardir". Imom Ahmadning Zuhd kitobi, 463-bet.
* * *
Umar ibn Solih rahimahulloh: "Ahmad ibn Hanbaldan
soʻradim:
- Qalb nima bilan yumshaydi?
Menga qarab-qarab turgach, javob berdi:
- Nima bilan boʻlar edi, halol eyish bilan". Tabaqotul
hanobila, 1/219.
* * *
Yahyo ibn Muoz rahimahulloh:
"Qalblar ozuqasi zikr (Allohning zikri), aqllar ozuqasi
fikrdir". Tarixi Bagʻdod, 2/136.
* * *
Masruq ibn Ajdaʻʻ rahimahulloh:
"Kimki qalbi ichidagi kechinmalariga Allohni nazoratchi
qilsa, Alloh uni xatti-harakatlarida muhofaza qiladi". Sifatus safva,
4/368.
* * *
Yahyo ibn Muoz rahimahulloh:
"Qalblar xuddi qaynab turgan qozonga oʻxshaydi, choʻmichlari
esa tillardir. Kishining nima deyishiga boqing, chunki uning tili qalbida qaynab
turgan narsani beradi: shirin boʻlsin, nordon boʻlsin, achchiq boʻlsin, chuchuk
boʻlsin". Hilyatul avliyo, 10/63.
* * *
Ibrohim Xavvos rahimahulloh:
"Qalb davosi besh narsadir: Qurʻʻonni tadabbur ila
(oyatlar magʻzini chaqib) oʻqish, qorinni xoli-och qilish, tungi namoz, sahargi
tazarru, solihlar bilan oʻtirish". Zammul havo, 70-bet.
* * *
Ibn Rajab rahimahulloh:
"Taqvo va aksi boʻlmish fujurning asosi qalbdir. Qalb
iffatli boʻlib taqvo qilsa, aʻʻzolar ham pokizalashadi, qalb buzilsa, aʻʻzolar-da
buziladi". Jomiul ulumi val hikam, 1/229.
Ey Rabbim! Oʻzing qalbimizni isloh qil! Omin.
Mavzuga aloqador
-
Umar ibn al-Xattob davrlarida u kishining huzurlariga uch kishi miskin bir yigit bilan kirib shunday deyishdi: "Ey moʻʻʻminlar amiri, mana bu yigitdan biz uchun qasos olishingizni soʻraymiz, sababi bu inson bizni otamizni oʻldirdi".
-
Ammo men tushunmaydigan narsa shuki, nega endi Ramazondagi xulqimiz boshqa oylarga oʻtmaydi?! Nega endi yil boʻyi Ramazondagi kabi ibodatga berilmaymiz?! Nega endi bomdodlarda toʻlib turgan masjid Ramazon chiqishi bilan yarmidan ham kamayib ketadi?! Nega endi Qurʻʻonni umr kitobi emas, Ramazon kitobi deb qaraymiz?! Nega endi boshqa oylarda sadaqa berish uchun faqir qidirmaymiz?! Faqirlar boshqa oylarda ovqat eyishmaydimi?!
