Rossiyada ajralishlar soni nikohlar sonidan oshib ketdi
Rossiyada joriy yilning dastlabki uch oyida 145 mingta nikoh va 160 mingta ajralish qayd etildi. Mutaxassislarning taʻʻkidlashicha, ajralishlarga moddiy muammolar emas, koʻproq er-xotin oʻrtasida ruhiy rishtalarning zaifligi, bir-biriga moslashish va muzokara oʻtkazish qobiliyatining yoʻqligi sabab boʻlmoqda. Shuningdek, 30 yoshgacha turmush qurganlar orasida ajrashish kamligi kuzatilmoqda.
Rosstat
maʻʻlumotlariga koʻra, joriy yilning yanvarʻ-mart oylarida Rossiyada 145 mingta
nikoh va 160 mingta ajralish qayd etilgan. Rossiya nikoh instituti
inqirozini boshdan kechirmoqda. Mamlakatda
eʻʻlon qilingan “Oila yili”da ajralishlar soni nikohlar sonidan 3 foizga oshdi, yaʻʻni bugungi
kunda har 100 nikohga 103 ta ajralish toʻgʻri kelmoqda, deb yozdi “Nakanune” nashri.
Mutaxassislarning fikricha, ajrashishlar sababi faqatgina moliyaviy muammolarda emas. Ajralishlar
sonining koʻpayishida er va xotin oʻrtasida ruhiy rishtalarning yoʻqligi, oilaning har bir aʻʻzosidagi psixologik
muammolar va kelishib keta olmaslik kabilar moddiy muammolardan kam rolʻ
oʻynamayapti.
Psixolog Anna Zakaidzening taʻʻkidlashicha, bugungi kunda
odamlar bir-birining kamchiliklariga chidashga tayyor emaslar. Chunki ularning aksariyati 30 yoshdan keyin
turmush qurishadi. Bu davrda har kim oʻz shaxsiy odatlarini allaqachon shakllantirgan
boʻlib, ruhiyati moslashuvchanlikni qabul qilmaydi, kelishib, tinch-totuv yashash uchun
muhim hisoblangan muzokara olib borish, kelishib ketish kabilarga toqatsiz boʻladi.
Mutaxassis keltirgan statistik maʻʻlumotlarga koʻra, 30 yoshgacha turmush qurganlarda
keyinroq ajrashish ehtimoli pastroq boʻladi.
“Nima uchun ajralishlar sodir boʻladi? Statistik
maʻʻlumotlar oʻzgarmoqda, masalaning moliyaviy tomoni aslida birinchi oʻrinda emas,
birinchi navbatda tushunmovchilik, odamlar bir-birini eshita olmaydi. Har bir
inson psixologik bilimga ega boʻlishi kerak, yangi turmush qurganlar oila qurishdan
oldin oʻtadigan kurslar boʻlishi kerak”, - deydi psixolog. Toʻlov va
imtiyozlar koʻrinishidagi davlat yordamining salbiy tomoni, ekspertning fikricha,
odamlar nafaqa olish uchun turmush qurishadi. Bu nimaga olib keladi? “Hozir
bizda 20-25 yil birga yashaganlar orasida ajralishlar koʻp. Bolalar ulgʻaygach,
ularni boshqa hech narsa ushlab turmaydi”.
“Statistik
maʻʻlumotlarga koʻra, oilalarning 35 foizi bolalar tufayli ajralishmaydi. Bu
nikohni ushlab turadigan narsa. Bolalar uyadan uchib chiqqach, sheriklar endi ularni
hech narsa bogʻlamasligini tushunib
etishadi”, - deydi ekspert.
Mavzuga aloqador
-
Oilani muqaddas bilish insoniyatning eng katta va oʻzgarmas qadriyatlaridandir. Tarixan, insonlar anʻʻanalar, qadriyatlar, din-diyonatni mahkam ushlagan. Endi ayrim toifalar chiqqan va chiqmoqdaki, insonning biologik tur sifatidagi oʻziga xos silsilasini buzishga zoʻr bermoqda. Ularning qadriyatlari, tafakkuri va zehniyatini sogʻlom aql qabul qila olmaydi. Bu qarashlari gʻayri ilmiydir.
-
Rossiya Davlat Dumasi deputati, Oila masalalari qo‘mitasi rahbari Nina Ostanina Ukrainadagi “maxsus operatsiya” Rossiyada tug‘ilish darajasi va bolali oilalarning hayot sifatiga salbiy ta’sir ko‘rsatayotganini ma’lum qildi. U 300 ming chaqiriluvchi va shuncha ko‘ngillining harbiy amaliyotlarga jalb etilishi tug‘ilish darajasiga salbiy ta’sir ko‘rsatishini ta’kidladi. Qayd etilishicha, 2024-yilning dastlabki besh oyida Rossiya aholisi 282 ming kishiga kamaygan, bu o‘tgan yilning shu davriga nisbatan 45 ming kishiga ko‘pdir.
