CNN: ҲАМАС Ғазо шимоли ва марказида назоратни тиклади
24 июль куни Конгресснинг қўшма мажлисида сўзга чиққан Исроил бош вазири Беньямин Нетаняху ҲАМАС устидан «Ғалаба яқин” эканига ишонтирганди, бироқ ҳарбий экспертлар бошқача фикрда.
ҲАМАСнинг
ҳарбий амалиётларини ердан олинган тасвирлар, экспертлар ва гувоҳлар билан
суҳбатлар асносида ўрганишлар Исроил раҳбарининг даъволарини шубҳа остига
қўяди. Июль ойигача ҲАМАС фаолиятини қамраб олган тадқиқот шуни кўрсатадики,
Фаластин ҳаракати ердаги камайиб бораётган ресурслардан унумли фойдаланмоқда.
“Исроилликлар
тозаланган ҳудудлар ҳақида гапиришади, лекин улар бу ҳудудларни тўлиқ
тозалашмаган, уларни [ҲАМАС арслонларини – таҳр.] умуман енгишмаган. ҲАМАС
жанг қилишга тайёр, ҲАМАС жанг қилишни хоҳлайди”, - деди “Критик таҳдидлар”
лойиҳасининг Яқин Шарқ бўйича эксперти ва Урушни ўрганиш институти билан ҲАМАС
ва Исроил ўртасидаги ҳарбий фаолият намуналари бўйича қўшма тадқиқот директори Браян
Картер.
Экспертларнинг хулосаларига кўра, ҲАМАСнинг қамал остидаги эксклав шимоли ва
марказида 8 та тўлиқ қувват билан ишлаётган ва 13 та таназзулга учраган батальони
мавжуд.
Ҳисобот
учун интервью берган америкалик ҳарбий экспертлар Исроилнинг шафқатсиз
бомбардимон кампанияси ва урушдан кейинги режанинг йўқлиги ҲАМАСнинг ҳарбий
қайта тикланишига ёрдам берганини айтишди.
"Биз
январь ойида Исроил Ғазо шимолидан чиқиб кетганидан кейин бир ҳафта ўтмай
ҲАМАСнинг қайта тикланишини кўра бошладик", - деди Картер.
Июль ойи
ўрталарида Исроилнинг The Times of Israel газетаси Исроил армияси ҳисоботининг
мазмунини эълон қилди, унда ҲАМАС тўққиз ойлик урушга қарамай, ўз ҳарбий
инфратузилмасининг катта қисмини сақлаб қолгани ва Фаластин ҳаракатининг
туннеллар тармоғи ҳали ҳам яхши ҳолатда фаолиятини давом эттираётгани айтилади.
Эслатиб ўтамиз, январь ойида Исроил армияси ҲАМАСнинг Ғазодаги туннеллар тармоғи узунлиги 350 дан 450 милягача бўлган, бу “тахмин қилинганидан анча катта” деб ҳисоблаган эди. Мудофаа вазирлиги вакилининг Исроил газетасига айтишича, туннелларни демонтаж қилиш йилларга чўзилиши мумкин.
Мавзуга алоқадор
-
Туркия ташқи ишлар вазири Ҳоқон Фидан Фаластиннинг ҲАМАС ҳаракати Сиёсий бюроси раиси Исмоил Ҳания билан учрашди. Томонлар Ғазо секторида сулҳни тезроқ ўрнатиш имкониятлари, Фаластин анклавига инсонпарварлик ёрдами ҳажмини ошириш ва маҳбусларни озод қилиш масалаларини муҳокама қилди.
-
“Ақсо тўфони” бошланганидан сўнг исроилликларнинг ҲАМАСни тор-мор этиш ҳақидаги ҳайқириқлари авж олди ва уларга ғарбнинг йирик давлатлари ҳам қўшилди. Уларнинг мақсади Ғазо секторидаги ҲАМАС бошқарувини тугатиш ва Фаластин ҳукумати қарорларини қабул қилишда унинг таъсирини йўқотиш эди. Бу ҳаракатлар ҲАМАСни дунё халқлари олдида террор ташкилот сифатида гавдалантириш, шунингдек уни Яқин Шарқдаги тинчлик ва осойишталикка ҳалал берадиган ягона тўсиқ қилиб кўрсатиш, араб мамлакатларининг ташқи алоқалари, хавфсизлиги учун таҳдид этиб намоён қилиш ташвиқотлари билан бошланди. Демак, уларнинг фикрича, ҲАМАС барча муаммонинг сабабчиси, ҲАМАСнинг йўқ қилиниши минтақадаги тинчликка олиб борадиган ягона йўл.
