Исроил танклари Рафаҳга кириб, чегара пунктини назоратга олди - The New York Times
Сешанба куни Исроил ҳарбийлари Рафаҳга танклар юборгани ва ҲАМАСнинг объектларини йўқ қилишга қаратилган операцияда Ғазонинг Миср билан чегарасини назоратга олганини маълум қилди. Бу ҳақда The New York Times нашри хабар берди.

Қайд этилишича, ҲАМАС ўт очишни тўхтатиш шартларини қабул қилганидан сўнг Исроил ҳарбийлари Рафаҳ шарқий қисмида "жарроҳлик зарбалари" амалга ошираётганини эълон қилди. Нашрнинг қўшимча қилишича, бомбардимон натижасида 100 га яқин тинч аҳоли ҳалок бўлган, кўп сонли аёллар ва болалар яраланган.

Фаластинликлар ҳеч бўлмаганда вақтинчалик ўт очишни тўхтатганидан хурсанд бўлишса-да, Исроил 1 миллиондан ортиқ фаластинликлар бошпана топган Ғазо шаҳрини бомбардимон қила бошлади.

Исроил ҳарбийлари сешанба кунги босқинни "жуда аниқ" аксилтеррор операцияси деб атади ва Рафаҳда қанча вақт қолишни режалаштираётганини айтишдан бош тортди. Исроил узоқ вақтдан бери Ғазонинг Миср билан чегарасини қирғоқ анклавига қурол контрабандасининг асосий йўли сифатида кўриб келади.

Душанба куни кечқурун Бирлашган Миллатлар Ташкилоти Бош котиби Aнтониу Гутерриш “Рафаҳга қуруқликдан бостириб кириш унинг ҳалокатли гуманитар оқибатлари ва минтақага беқарорлаштирувчи таъсири ҳақида айтиб ўтган. 

6 май куни Исроил бир миллиондан ортиқ ғазолик қочқинлар бошпана топган Рафаҳ шаҳрига бостириб кириши Нетаняху ва унинг энг яқин халқаро иттифоқчилари учун кескинликни келтириб чиқарди. Қўшма Штатлар Исроилни Рафаҳ аҳолисини ҳимоя қилиш учун режасиз босқинчилик қилмаслик ҳақида огоҳлантирди.

Ҳарбийларнинг маълум қилишича, қуруқлик ва ҳаво кучлари ҳам кечаси шарқий Рафаҳ ҳудудида, чегара пункти яқинида амалиёт ўтказган. Туннел шахталарининг қаерда жойлашгани ва жангарилар ўлдирилгани маълум қилинмаган.

Мавзуга алоқадор

Энг кўп ўқилган

Тавсия қилинган

Реклама