Бомбаланаётган Ғазо: 256-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 256 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар:
- Босқинчилар Нусейрат ва Буриж лагерларидаги турар-жой биноларига ҳужум қилди. 17 киши ўлдирилди. Уларнинг қарийб ярми болалар. Уруш бошланганидан буён шаҳид бўлганлар сони 37347 нафарга етди.
- Ғарбий Соҳилда босқинчилар Наблус, Ерихо, Рамаллаҳ, Тулкарм, Халил, Қалқиля ва Байтлаҳмга ҳужум қиляпти. Ўнлаб фаластинликлар ҳибсга олинган. Ҳибсга олинган ва сўроқ қилинаётганлар орасида болалар ҳам бор.
- Ал-Қассам жангчилари Рафаҳ ҳудудида босқинчилар билан шиддатли жангга киришди. Босқинчилар Рафаҳ марказига кириб боришга ҳаракат қилмоқда.
- Ғазо ҳукумати: Исроил тажовузи оқибатида ҳалок бўлган журналистлар сони 151 нафарга етди.
.png)
Мавзуга алоқадор
-
Ғарб матбуоти аксарият ҳолатларда иккиланма мезонлар билан ҳаракат қиляпти ва шу тахлит яшамоқда. Абдулҳаким Баҳриддин Ғазо мисолида ахборот воситаларидаги иккиланма мезонларни тилга олди.
-
Америкалик мусулмонлар Исроилнинг Ғазога қарши урушида АҚШ президентининг ҳаракатларига нисбатан ўз позициясини акс эттирувчи “Байдендан воз кечиш” кампаниясини бошлашни режалаштирмоқда, дея хабар қилди Axios нашри.
