АҚШ ва Россия ўртасида маҳбуслар алмашинуви бўлиб ўтди
Туркия пойтахти Анқара аэропортида Россия ва АҚШ ўртасида маҳбуслар алмашинуви бўлиб ўтди. Бу ҳақда Shot Telegram-канали хабар қилди.
Туркия матбуотининг ёзишича, алмашинув Туркия разведка хизмати мувофиқлигида амалга оширилди. CBS маълумотларига кўра, айирбошлашда 24 киши иштирок этган. АҚШ томонидан Россияга саккиз нафар маҳбус тақдим этилган бўлса, ўз навбатида, рус томони РФ қамоқхоналарида жазо ўтаётган 12 маҳбусни АҚШга топширди.
Хорижий матбуотнинг ёзишича, Россия алмашинувда жосуслик, армия ҳақида сохта ахборот тарқатиш, давлат тўнтаруви, армияни обрўсизлантириш каби моддалар билан қамоққа олинган Эван Гершкович, Пол Уилан, Андрей Пивоваров, Алсу Курмашева, Олег Орлов, Рико Кригер, Герман Мойжес, Вадим Останин ва Иля Яшиндан воз кечган.
Бунинг эвазига РФ Анна ва Артем Дульцев (жосуслик, Словенияда жазо ўтаётган бўлган), Роман Селезнев (кибержиноят, АҚШ), Владислав Клюшин (кибержиноят, АҚШ), Вадим Коношченко (санкцияларни айланиб ўтиш, АҚШ), Павел Рубцов (жосуслик, Польша), Михаил Микушин ва Вадим Красиков (буюртмали қотиллик, Германия)ни қабул қилди.
Мавзуга алоқадор
-
Дунёдаги урушлар вайронагарчилик келтириши, инсон ҳуқуқларининг кенг миқёсда бузилиши ва гуманитар халқаро вазиятни издан чиқариши сир эмас. Шунга қарамай, жаҳонда урушларга бутунлай бошқа тарафдан – манфаат нуқтаи назаридан қарайдиган ўйинчилар ҳам бор. Уруш тужжорлари учун турфа халқлар тортаётган азоб-уқубатлар қурол сотишдан олинадиган миллиардлаб долларлик фойдага таққослаганда арзимасдир.
-
Буни қилмоқчи бўлганлар Россия уларни ҳеч қачон ўз ҳолига қўймаслигини тушунишлари керак, деди Кремль вакили
