Франциядаги масжидда 20 ёшли йигит пичоқланди

Франциянинг Окситания минтақасида жойлашган Ла-Гран-Комб қишлоғидаги масжидда 20 ёшли мусулмон Абубакр Сиссе ваҳшиёна тарзда пичоқлаб ўлдирилди. Бу ҳақда euronews хабар берди.

Хабарга кўра, қотиллик исломофобия асосида содир этилгани таҳмин қилинмоқда. Жиноят содир этилган пайтда масжидда фақат жабрланувчи ва қотил бўлган. Кузатув камераларида гумонланувчининг ҳақоратли сўзлар айтаётгани аниқланган.

Франция прокурори Абдулкарим Гринининг маълум қилишича, жиноятчини ушлаш учун 70 дан ортиқ оператив ходим жалб қилинган. Икки кун давом этган қидирувдан кейин 2004 йилда туғилган Оливе А. Италиянинг Пистоя шаҳрида полицияга таслим бўлган.

Прокуратура жиноятни атайлаб қилинган қотиллик сифатида тергов қилмоқда. Жабрланувчининг оиласи эса ишни террорчиликка қарши прокуратурага топширишни талаб қилмоқда.

Воқеа ортидан бутун Франция бўйлаб исломофобияга қарши норозилик намойишлари бўлиб ўтмоқда. Ла-Гран-Комбда 2 минг киши иштирокида “оқ юриш” бўлиб ўтди. Парижда Республика майдонида чап партиялар ва фуқаролик ташкилотлари чақируви билан митинг уюштирилди. Намойишчиларнинг қўлида “Исломофобия ўлдиради, давлат – шерик” ва “Абубакр учун адолат” каби шиорлар акс этган эди.