Испания исроил* билан қурол-яроғ битимини бекор қилди

Испания ҳукумати исроил* оккупацияси билан боғлиқ бўлган Guardian Homeland Security S.A. компанияси билан қиймати 6 миллион евродан ошган ўқ-дорилар етказиб бериш бўйича тузилган шартномани расман бекор қилди, деб ёзади Kommersant. 

Мазкур битим Испания фуқаролик гвардияси учун 15 миллиондан ортиқ ўқ харид қилишни кўзда тутган эди.

Манбага кўра, келишувни тўхтатишга Сумар номли чап қанот коалицион партиянинг кескин танқиди сабаб бўлган. Партия расмий баёнотида таъкидланишича: “Халқаро ҳуқуқни бузаётган ва Фаластин халқига қарши қатлиом уюштираётган тузилмалар билан ҳеч қандай бизнес олиб борилмаслиги лозим.” 

Ҳукумат ўз қарорини “жамоатчилик манфаатлари” билан изоҳлади.

Шу билан бирга, Испания ҳукумати 2023 йилдан бошлаб исроил* оккупацияси билан ҳарбий маҳсулотлар савдосини тўхтатганини эълон қилганига қарамай, El Diario нашри олиб борган суриштирувлар 2023 йил давомида бу йўналишда 40 дан ортиқ шартнома тузилган ёки расмийлаштирилганини аниқлади.

Бу ҳолат, Испания ташқи сиёсатида йирик босимларни юзага келтирган. Ҳукумат эса, халқаро босим ва фуқаролик жамиятининг талабларига жавобан мавжуд шартномаларни бекор қилишга мажбур бўлган, дейилади хабар матнида.