Британия қироли яна шифохонага тушди

Британия қироли Карл III саратон касаллигига қарши даволаш жараёнининг ножўя таъсирлари сабаб шифохонага ётқизилди. Бу ҳақда Букингем саройи матбуот хизмати хабар берди.

Қайд этилишича, қирол 27-28 март кунлари иштирок этиши керак бўлган барча тадбирлар, жумладан, уч мамлакат элчиларига ишонч ёрлиқларини топшириш маросими ва оммавий учрашувлар бекор қилинган. 

“Қисқа муолажадан сўнг, монарх расмий қароргоҳи – Clarence House’га қайтди ва у ерда давлат ҳужжатлари билан ишлашда давом этмоқда”, дейилади Букингем саройи расмий баёнотида. 

Эслатиб ўтамиз, 2024 йилнинг феврал ойида 75 ёшли Карл III’га саратон касаллиги ташхиси қўйилган эди.