Oʻzbekistonda yoki dunyoning qaysidir bir qismida musulmonlar biror xato ish qilsa, ayrim oʻzbek nashrlari tanga topgan telbadek oldi-orqasini surishtirmasdan jar solishga tushishadi. Goʻyoki "ana, musulmonlar shunday, bularga qoʻyib bersangiz, Oʻzbekistonni ham shu koʻyga solishadi", degan maʻʻnoda xabarning asl manbalari, tafsilotlarini oʻrganmay turib xabar tarqatishga kirishishadi. Bu nafaqat jurnalistik etikaga zid, balki yolgʻon tarqatish, jamiyatda qarama-qarshilik, boʻlinish, tarafkashlikni ham keltirib chiqaradi. Yolgʻondan suv ichayotgan bu nashrlar yoxud bizni qanday qilib aldashyapti?