Xalqimiz orasida qadimdan “Shohi Zinda” – “Tirik shoh” degan nom bilan mashhur boʻlgan Qusam ibn Abbos tarixning toʻzonli sahifalari oralarida qolgan, hayot yoʻli haqida koʻp ham maʻʻlumot mavjud boʻlmagan sahobiydir. Holbuki, u paygʻambar(s.a.v.)ning yaqinlaridan boʻlib, qabri bizning zaminimizda, Samarqandda joylashganligi koʻpchilikka maʻʻlum. Shuning uchun ham xalq orasida bu zot bilan bogʻliq afsonalar yuradi. Shu sababli biz bugungi maqolada mazkur sahobiy haqida manbalardagi bor fikrlar va dalillar asosida baholi qudrat maʻʻlumot berishni lozim topdik.