XX asr boshlaridagi Amerika jamiyatiga nazar tashlaylik. Oʻshanda ayollarning koʻcha-koʻyda sigaret chekishi nafrat bilan qarshi olingan, baъzi joylarda hattoki bu holat taqiqlangan ham edi. Ushbu davrda amerikalik ayollar orasida tamaki chekish koʻrsatkichi juda past boʻlgan – yaъni taxminan 5%. Shunday vaziyatda American Tobacco Company rahbari Jorj Vashington ayollar orasida kashandalikni yoyish orqali koʻp daromad olish mumkinligi haqida oʻylab qoladi. Shu maqsadda u makkor Berneys bilan shartnoma tuzadi. Berneys Zigmund Freyd va boshqa psixologlar bilan maslahatlashganidan soʻng, oʻta gʻalati, lekin samarali loyiha tayyorlaydi. Bir guruh feminist ayollar bilan kelishib, ularni 1929 yilgi anъanaviy pasxa yurishida ishtirok etishga chorlaydi. Feministlar yurish vaqtida uzun paypoqlaridan sigareta chiqarib, uni tutatishlari kerak edi – M.Gultekin, psixologiya fanlari doktori.