Oʻzbekiston prezidenti Shavkat Mirziyoev Qatar bosh vaziri, tashqi ishlar vaziri shayx Muhammad bin Abdurahmon Ol Soniy, shuningdek, Saudiya Arabistoni TIV rahbari shahzoda Faysal bin Farxon Ol Saudni qabul qildi. Uchrashuvlarda ikki tomonlama hamkorliklarni rivojlantirish bilan bir qatorda Yaqin Sharqdagi vaziyat hamda Falastin muammosini tinch yoʻl bilan hal etish yuzasidan fikr almashildi.

Saudiya Arabistoni tashqi ishlar vaziri Faysal bin Farxan Falastin davlatini yaratish va ikki davlat echimini amalga oshirish uchun xalqaro koalitsiya tuzilganini eʻʻlon qilib, birinchi uchrashuv Ar-Riyodda boʻlib oʻtishini bildirdi. U Falastin davlatini yaratish koalitsiyasi Evropa hamkorligi va arab davlatlarining saʻʻy-harakatlari samarasi ekanini taʻʻkidladi.