Sudan armiyasi mamlakat rahbari general Abdulfattoh al-Burhon harbiy qismga ikkita uchuvchisiz uchoq hujumi amalga oshirilgani natijasida engil jarohat olganini maʻʻlum qildi. Hodisada kamida besh kishi halok boʻlgan, bir qancha harbiylar jarohatlangan. Armiya Tezkor koʻmak kuchlarini ayblamoqda. Mamlakatda davom etayotgan 15 oylik fuqarolik urushida 18 mingdan ziyod kishi halok boʻldi.

Sudan armiyasi jangarilar nazorati ostida boʻlgan Milliy teleradiokompaniyani ozod qildi. “Isyonchilarni mamlakat boʻylab har joyda taʻʻqib qilishda davom etamiz”, - dedi armiya generali Abdulfattoh al-Burxon. Mamlakatdagi toʻqnashuvlarda 13 mingdan ortiq inson halok boʻldi, 6 mln kishi uy-joylarini tashlab ketgan, 1,7 mln odam esa qoʻshni davlatlarga qochgan.