Rossiya prezidenti Vladimir Putin taklifiga koʻra, bir necha davlat rahbarlari va rasmiy shaxslar Moskvaga Ikkinchi jahon urushidagi Gʻalabaning 80 yilligini nishonlash uchun boradigan boʻldi. Ozarbayjon va Laos prezidentlari Ilhom Aliev va Thongloun Sisoulit paradda qatnashmasligini bildirgan. Shu tariqa, Gʻalaba paradida avval xabar qilinganidek 29 emas, 27 ta davlat rahbari mehmon boʻlishi kutilmoqda.

Prezident Shavkat Mirziyoev Rossiya prezidenti Vladimir Putinning taklifiga binoan 8-9 may kunlari amaliy tashrif bilan Moskva shahrida boʻladi. Tashrif dasturiga muvofiq, davlat rahbari Ikkinchi jahon urushidagi Gʻalabaning 80 yilligiga bagʻishlab oʻtkaziladigan tantanali tadbirlarda ishtirok etadi.