Turkmanistonda ajrashish qimmatga tushadigan boʻldi

Turkmanistonda ajrashish toʻlovi birdaniga 5 baravarga qimmatladi. 

Nikohni bekor qilish toʻgʻrisidagi ariza bilan murojaat qilganlardan 6000 manat, yaъni 3 500 dollardan ortiq miqdorda davlat boji toʻlashi talab qilinmoqda. 

Mahalliy aholining aytishicha, taxminan olti oy oldin boj miqdori 1200 manat - salkam 706 dollar edi. Fuqarolarga bojlar qachon oshirilgani haqida tushuntirish berilmagan.

Turkmanistonda iqtisodiy qiyinchiliklar va keng tarqalgan ishsizlik sharoitida nikohni bekor qilishga qaror qilgan koʻplab fuqarolar 5 baravar qimmatlashgan davlat bojini toʻlay olmayapti. 

Maъlumotlarga koʻra, soʻnggi yillarda ajrashishga qaror qilgan oilalar soni sezilarli darajada oshgan. Aksariyat hollarda bunday oilalar Turkiya yoki Rossiyada yurgan muhojirlardan tarkib topgan.