Turkiya prezidenti Rajab Toyyib Erdoʻgʻon Diyonat akademiyasi bitiruv marosimida ishtirok etib,

Turkiya prezidenti Rajab Toyyib Erdoʻgʻon Diyonat akademiyasi boshqarmasining Ixtisoslashgan diniy oliy markazlari va Ixtisoslashgan diniy markazlarning ilk bitiruvchilariga diplom topshirish marosimida ishtirok etdi. Bu haqda Turkiya Diyonat ishlari vazirligi matbuot xizmati xabar qildi.

Oʻz nutqini duo bilan boshlagan prezident 8 oylik muddatda 33 ta markazda oʻtkazilgan kurslarning 2012 yilda qonuniy asoslari yaratilgan, Diyonat akademiyasining 10 yillik saʻʻy‑harakatlari bilan 2022 yilda ilk bor faoliyatini boshlaganini taʻʻkidladi.

“Biz asrlar davomida Islomning yoyilishida bayroqdor boʻlish sharafiga muyassar boʻlgan xalq vakillarimiz. Ota-bobolarimiz nafaqat islom dinini oʻz hayotlariga tadbiq etganlar, balki uning yangi-yangi istilolar orqali tarqalishiga ham xizmat qilganlar”, ‑ deya taʻʻkidlagan prezident Erdogʻan Qurʻʻon va sunnatga mahkam yopishgan, oʻzini Islomda topgan ajdodlar “Alloh Alloh” hayqiriqlari bilan 3 qitʻʻa, 7 iqlimga tinchlik, adolat, xavfsizlik, ishonch, tinchlik, birodarlik olib kelganini aytdi.

Prezident Erdoʻgʻon imom‑xatib yoki muazzin boʻlish faqat namoz vaqtlarida ibodatlarni ado etish degani emasligini taʻʻkidlab, “Islom tarixida hech qachon bunday boʻlmagan. Imom oʻzi yashayotgan xalqning etakchisi va namunali shaxsini ham anglatadi. Buni etkazish, xabardor qilish va ifodalash, ayniqsa, yoʻl-yoʻriq vazifasini munosib tarzda bajarish har biringizning asosiy masʻʻuliyatingizdir”, ‑ dedi.

Hayotning boʻshliqlarni qabul qilmasligini tilga olgan prezident Erdoʻgʻan shunday davom etdi:

“Siz qoldirgan har bir boʻshliqni yo ijtimoiy tarmoqlardagi sharlatanlar, FETOga oʻxshash terror tashkilotlari, beshinchi kolonna aʻʻzolari yoki zahar sotuvchilar yoxud global kuchlar tashviqoti bilan keng tarqalgan buzuq va axloqsiz oqimlar yo imperialistlarning  ichimizdagi apparatlari tomonidan albatta toʻldiriladi. Yaqin tariximizda buning koʻplab misollariga shaxsan guvoh boʻlganmiz. Afsuski, biz vatanimizning eng porloq avlodlarini terrorga, zoʻravonlikka, jaholatga va gʻarblik bosqinchilar stsenariylariga qurbon qildik. Kelajagimiz garovi boʻlgan qanchadan-qancha yoshlarning hayoti giyohvandlik, qimor oʻyinlari, fohishabozlik va ichkilik botqogʻida qorayib ketganini koʻrdik. Qalam ushlashi kerak boʻlgan yoshlarimizning qoʻllariga qurol tutdilar. Gohida aldab, gohida majburlab togʻlarga olib chiqib ketgan yoshlarni oʻz xalqi, oʻz yurtining dushmanlariga aylantirishdi”, ‑ dedi Rajab Toyyib Erdoʻgʻon.

U zaldagi boʻlajak diniy amaldorlarga: “Hozir qaerga borishingizni kim ham bilardi. Qaerga borsangiz ham, u erlar, ularning bolalari, avlodlari sizlarga omonat. U erlarda bolalarimiz ongiga goʻyo naqsh chizasizlar”, ‑ degan Turkiya prezidenti quyidagilarni qoʻshimcha qildi:

“Paygʻambarimiz sallollohu alayhi va sallamning ushbu hadislarini doimo yodda tutishingizni ayniqsa sizdan soʻrayman: “Faqat ikki kishiga “hasad” qilsa boʻladi: Alloh taolo bergan molini haq yoʻlda sarflagan kishiga va Alloh taolo bergan ilmu hikmat bilan hukm qilgan va uni oʻrgatgan kishiga”. Oʻqishni tamomlab, yurtimiz boʻylab ish boshlaydigan nomzod diniy mutasaddilarimiz ham ana shu yuksak zehniyat bilan oʻz burchlarini ado etishiga shubham yoʻq. Siz, birodarlar, el-yurtimiz bilan oʻrnatadigan samimiy, yaqin va xolisona munosabatlar orqali Paygʻambarimizning ibratli maʻʻnaviy qadriyatlarini bardavom ettirishingizga chin dildan ishonaman”.

Isroil bilan Falastin oʻrtasidagi voqealarga eʻʻtibor qaratgan Erdoʻgʻon: “Bu zolim Isroilning falastinlik birodarlarimizga nima qilganini koʻrdingiz, koʻrmoqdasiz. Parvardigorim ularni Qahhor nomi uchun badbaxt qilishini umid qilaman. Shunday bir avlod etishtirishimiz kerakki, Falastin tushgan vaziyatga tushib qolmaylik”, - dedi u.

Turkiyaning kuchli avlodi borligini va har kuni yuz minglab yoshlar etishib chiqayotganini taʻʻkidlagan prezident Erdoʻgʻon:

“Shunga amin boʻling. Qaerda xizmat qilsangiz ham, sizlar buyuk kurashning askarlarisiz. Sizning saʻʻy-harakatlaringiz yurtimiz va millatimiz, qardosh xalqlarimizning ehtiyoji bor. Isroil bosib olingan dunyoning koʻziga tik qaragan holda urush va insoniyatga qarshi jinoyatlar sodir etayotgan Falastin va Gʻazoning sizga ehtiyoji bor. Oʻz taqdirini Turkiya taqdiriga bogʻlagan, kelajagini millatimiz kelajagiga bogʻlagan birodarlarimizning sizlarga ehtiyoji bor. Evropa va Amerikada xavfli oʻsma kabi kuchayib borayotgan islomofobiya, irqchilik va diskriminatsiyaga qarshi kurashayotgan fuqarolarimizning sizga ehtiyoji bor. Adolatli va yashash uchun qulay dunyoni orzu qilgan barcha gʻamgin va mazlum qalblar sizga, sizning kurashingiz va harakatingizga muhtoj. Siz tayinlanadigan joylarda oʻz vazifangizni bajarar ekansiz, elkangizdagi bu ogʻir masʻʻuliyatni anglagan holda harakat qilishingizni kutaman”, ‑ dedi.

Turkiya diyonat ishlari vaziri Ali Erbosh akademiyaning 33 ta markazida tashkil etilgan oʻquv mashgʻulotlarida 3120 nafar imom‑xatib, 250 nafar muazzin-qayyim, 1167 nafar Qurʻʻon kursi oʻqituvchilari va jami 4537 nafar nomzod diniy xizmatchilar tahsil olganini maʻʻlum qildi.