Solixon domla 15 sutkaga qamaldi
Solixon domla Ortiqxoʻjaev mayda bezorilik va IIO xodimlarining qonuniy talablarini bajarmaganlikda ayblanib, 15 sutkaga qamaldi. U uyiga IIO xodimlari kelganida «terrorchi emasman, siyosatga qarshi emasman, jinoyatchi emasman» deb shovqin qilib, oʻtib ketayotgan fuqarolarning tinchligini buzgani aytilmoqda.
2024 yil 30 mart Toshkent shahar jinoyat ishlari boʻyicha Sergeli
tuman sudida Solixon domla taxallusi bilan tanilgan Solixon Ortiqxoʻjaev ustidan
sud boʻlib oʻtdi, deya xabar
qilmoqda Gazeta.uz.
Qayd etilishicha, 2024 yil 30 mart kuni Sergeli tumani IIO FMB
xodimlari va DXX xodimlari jinoyatda gumon qilinib, qidiruvda boʻlgan fuqaro
boʻyicha qidiruv ishlari olib borish davomida, tintuv oʻtkazish toʻgʻrisidagi qarorga
asosan Solixon Ortiqhoʻjaevning uyiga borgan.
Aniqlanishicha, u xodimlarga nisbatan samimiy boʻlmagan
munosabatda boʻlib, baqir-chaqir qilib, baland ovozda «terrorchi emasman, siyosatga
qarshi emasman, jinoyatchi emasman» deb shovqin qilib, shu erdan oʻtib ketayotgan
fuqarolarning tinchiligini buzgan. Shuningdek, IIO xodimlari tomonidan oʻziga
tegishli boʻlgan telefon apparatini taqdim qilish soʻralganida, ularga telefon
apparatini taqdim etmasdan, IIO xodimlarining qonuniy talablarini bajarmagan.
Sud majlisida Solixon Ortiqxoʻjaev huquqbuzarlik harakatiga
qisman iqrorlik bildirib, lekin baqir-chaqir qilmaganini aytib suddan unga
nisbatan engillik berishni soʻradi.
Telegram messenjeri orqali soʻroq qilingan guvoh F. Yu. sudda haqiqatdan ham 30 mart kuni
hududdan oʻtib ketayotganida, baqir-chaqir ovozi eshitilganini, borganida Solixon
Ortiqxoʻjaev baland ovozda baqirib hammani oʻziga jalb qilgani, uning shovqinini
hamma eshitganini aytgan.
Sud Solixon Ortiqxoʻjaevga nisbatan Maʻʻmuriy javobgarlik
toʻgʻrisidagi kodeksning 183-moddasi (Mayda bezorilik) va 194-moddasi 1-qismi
(Ichki ishlar organlari xodimining qonuniy talablarini bajarmaslik) nazarda
tutilgan huquqbuzarliklarni sodir qilgan deb topib, unga 15 sutka maʻʻmuriy
qamoq jazosi hamda bazaviy hisoblash miqdorining 1 baravari, yaʻʻni 340 000 soʻm
miqdorida jarima jazosi tayinlandi.
Bundan tashqari, saqlash bilan bogʻliq xarajatlar uchun maʻʻmuriy
qamoqning har bir sutkasi uchun bazaviy hisoblash miqdorining 15 foizi miqdorida,
yaʻʻni 765 000 soʻm undirilishi belgilangan.