Shusha turkiy davlatlar rahbarlarini qabul qiladi

Ozarbayjonning Armaniston ishgʻolidan ozod qilingan Shusha shahrida 5-6 iyulʻ kunlari Turkiy Davlatlar Tashkilotiga aʻʻzo davlatlar rahbarlari sammiti boʻlib oʻtadi. “Transport aloqalari orqali barqaror kelajakni qurish va iqlim oʻzgarishiga qarshi kurashish” mavzusidagi sammit tashkilotning asosiy masalalari va kun tartibi boʻyicha yuqori darajadagi muhokamalar uchun platforma boʻlib xizmat qilishi kutilmoqda.

Ozarbayjonning Armaniston ishgʻolidan ozod qilingan Shusha shahrida oʻtkazilishi rejalashtirilgan Turkiy Davlatlar Tashkilotining Shusha sammiti sanasi va dasturi maʻʻlum boʻldi. TDT matbuot xizmati xabariga koʻra, Ozarbayjon prezidenti Ilhom Aliev tashabbusi bilan tashkil etilgan sammit 5-6 iyulʻ kunlari Shusha shahrida boʻlib oʻtadi.

Tadbirda aʻʻzo davlatlar - Turkiya, Qozogʻiston, Qirgʻiziston va Oʻzbekiston rahbarlari ishtirok etadi. Ular bilan birga kuzatuvchi davlatlar rahbarlari va TDT bosh kotibi Kubanichbek Omuralievning ham qatnashishi kutilmoqda.

“Transport aloqalari orqali barqaror kelajakni qurish va iqlim oʻzgarishiga qarshi kurashish” mavzusidagi sammit tashkilotning asosiy masalalari va kun tartibi boʻyicha yuqori darajadagi muhokamalar uchun platforma boʻlib xizmat qilishi kutilmoqda.

Sammit yakunlari boʻyicha Qorabogʻ deklaratsiyasi hamda boshqa bir qator muhim hujjatlarni imzolash rejalashtirilgan.