Qozogʻiston prezidentining Oʻzbekistonga tashrifi: nimalar maʻʻlum?

Qozogʻiston prezidenti Qasim-Jomart Toqaev 5 aprelʻ kuni tashrif bilan Oʻzbekistonga keldi. Xiva shahrida prezidentlar norasmiy uchrashuv oʻtkazdi. Muzokaralarda ikki davlat oʻrtasidagi har tomonlama hamkorlikdan tashqari, Markaziy Osiyo mintaqasida barqarorlik va xavfsizlikni taʻʻminlash masalalari boʻyicha fikr almashdi.

Oʻzbekiston prezidenti Shavkat Mirziyoevning taklifiga binoan Qozogʻiston prezidenti Qasim-Jomart Toqaev 5 aprelʻ kuni tashrif bilan Oʻzbekistonga keldi. Urganch xalqaro aeroportida Qasim-Jomart Toqaevni Shavkat Mirziyoev kutib oldi.

Dastlab ikki davlat rahbarlari Xiva shahridagi “Xiva gilamlari” kombinatiga tashrif buyurdilar.

Prezidentlar korxonaning ishlab chiqarish jarayoni va shourumi bilan tanishdilar, kombinat hududida tashkil etilgan «Made in Uzbekistan» brendi ostidagi mahsulotlar koʻrgazmasini koʻzdan kechirdilar.

Masʻʻul vazirlik va idoralarga oʻzaro tajriba almashish, kooperatsiya va savdoni rivojlantirishga koʻrsatma berildi.

Soʻngra Xivada norasmiy uchrashuv boʻlib oʻtdi.

Muzokaralarda Oʻzbekiston bilan Qozogʻiston oʻrtasidagi strategik sheriklik va ittifoqchilik munosabatlarini yanada mustahkamlash, har tomonlama amaliy hamkorlikni kengaytirish masalalari muhokama qilindi.

Prezidentlar tovar ayirboshlashni koʻpaytirish, sanoat kooperatsiyasi boʻyicha uzoq muddatli dasturni shakllantirish hamda transport va energetikada infratuzilmaviy loyihalarni amalga oshirish boʻyicha aniq topshiriq berdilar.

Qasim-Jomart Toqaev uchrashuvda qozoq-oʻzbek tandemi hayotiy zarurat ekanini taʻʻkidladi.

«Biz faqat birgalikda va uyushibgina mamlakatlarimizning barqaror rivojlanishini taʻʻminlay olamiz», — dedi Toqaev.️ Shu munosabat bilan Qozogʻiston rahbari Oʻzbekiston va Qozogʻiston oʻrtasida 2034 yilgacha boʻlgan strategik sheriklik va ittifoqchilik dasturi qabul qilinishini qoʻllab-quvvatlagani xabar qilindi.

Muzokaralar chogʻida davlat rahbarlari, shuningdek, Markaziy Osiyo mintaqasida barqarorlik va xavfsizlikni taʻʻminlash masalalariga alohida eʻʻtibor qaratdilar. Shu nuqtai nazardan prezidentlar Markaziy Osiyo davlatlari rahbarlarining navbatdagi 6-maslahat uchrashuviga tayyorgarlikning borishi, shuningdek, S5+ formatidagi oʻzaro hamkorlik istiqbollarini muhokama qildilar.

Qozogʻiston prezidenti Qasim-Jomart Toqaev Oʻzbekiston etakchisi Shavkat Mirziyoev hamrohligida qadimgi Xivaning Ichan-qalʻʻa majmuasi tarixiy obidalari va Nurillaboy saroyini ziyorat qildi.

Shu kunning oʻzida Qozogʻiston prezidentining Oʻzbekistonga tashrifi yakuniga etdi. Oliy martabali mehmonni Urganch xalqaro aeroportida Oʻzbekiston prezidenti kuzatib qoʻydi.