Qirgʻizistonda uyma-uy yurib dinga targʻib qilish taqiqlandi

Qirgʻiziston prezidenti Sadir Japarov daʻʻvatchilik faoliyatini cheklovchi qonunni qabul qildi. Hujjatga koʻra, uyma-uy yurib dinga targʻib qilish taqiqlandi. Japarov dinga qarshi emasligini taʻʻkidlab, islomga daʻʻvat hech kimga noqulaylik tugʻdirmaydigan holatda, masalan, toʻy-hasham, janoza, bozor va boshqa gavjum joylarda oʻtkazish zarurligini taʻʻkidladi.

Qirgʻiziston prezidenti Sadir Japarov seshanba kuni imzolagan “Din toʻgʻrisida”gi qonunga koʻra missionerlik faoliyatiga qator cheklovlar kiritiladi, deb xabar beradi Vb.kg. Endilikda daʻʻvatchilarga uyma-uy yurib, odamlarni dinga daʻʻvat qilish taqiqlanadi.

Japarov ijtimoiy tarmoqdagi sahifasida Qirgʻizistonning dunyoviy fuqarolari qonunni qoʻllab-quvvatlagani, dindor fuqarolar esa uning qabul qilinishiga qarshi ekanini qayd etgan.

“Odamlar bu sayyor daʻʻvatchilar kimlar, ularda muftiylik, qoziyat yoki xatibiyat tomonidan berilgan guvohnoma bormi, qaysi tashkilot yoki yoʻnalishni targʻib qilmoqda, bu yoʻnalish dinimizga zidmi, degan savollarga javob olmoqchi”, - deb yozdi prezident.

Japarovning soʻzlariga koʻra, daʻʻvatchilik maqsadida uyma-uy yurish masalasi ilgari qonun bilan tartibga solinmagan: bunday faoliyatga kim ruxsat beradi, kimlar ishtirok etishi mumkin va buning uchun qaerda taʻʻlim olish kerak, qanday varaqa yoki kitoblarni tarqatish mumkin va ushbu materiallarni kim tekshiradi?

Japarovning taʻʻkidlashicha, daʻʻvatchilar koʻpincha oilasi, bola-chaqasiga gʻamxoʻrlik qilmay, islom diniga daʻʻvat qilish uchun uzoq muddatga uydan chiqib ketishadi.

“Fuqarolarimiz oʻz oilasi va farzandlarini qarovsiz va boqish vositalarisiz qoldirib, 3 kun, 40 kun, hatto 4 oyga ketish holatlari ham uchrab turibdi. Bu qanday gap? Avval oilangizni hech boʻlmaganda minimal miqdorda oziq-ovqat bilan taʻʻminlab, keyin borib odamlarni dinga daʻʻvat qilish mumkin emasmi?" – soʻradi qirgʻiz rahbari.

Japarov dinga qarshi emasligini, islomga daʻʻvat hech kimga zarar keltirmasligini taʻʻkidlab, uni hech kimga noqulaylik tugʻdirmaydigan, masalan, toʻy-hasham, janoza, bozor va boshqa gavjum joylarda oʻtkazish zarurligini taʻʻkidladi.

“Muftiylik va Ulamolar kengashidan takliflar kutamiz. Davralaringiz uchun qoidalarni eng kichik tafsilotlarigacha ishlab chiqing va ularni taqdim eting. Davlat ularning qatʻʻiy bajarilishi va tartibga solinishiga yordam beradi. Takliflaringizni qanchalik tez topshirsangiz, shuncha yaxshi”, - dedi prezident.