Iroq shimolida turk askarlari halok boʻldi

Iroq shimolida Turkiya harbiy bazasiga hujum uyushtirgan Kurdiston ishchilar partiyasi jangarilari 5 nafar turk askarini halok qildi, 8 nafarini yaraladi. Shuningdek, 12 jangari zararsizlantirilgan. Turkiya bunga javoban

Iroq shimolida PKK (Kurdiston ishchilar partiyasi; Turkiya, AQSh va Evroittifoqda terroristik tashkilot deb eʻʻlon qilingan) jangarilari bilan toʻqnashuv oqibatida Turkiya Qurolli kuchlarining besh nafar harbiy xizmatchisi halok boʻldi. Bu haqda Turkiya milliy mudofaa vazirligi bayonotida aytiladi. Xabarda aytilishicha, yana 8 askar yaralangan.

Xabar qilinishicha, jangarilar Turkiya qurolli kuchlarining Penche-Kilit aksilterror operatsiyasi oʻtkazilayotgan hududdagi harbiy baza hududiga kirishga uringan.

“12 yanvarʻ kuni “Changal-Qulf” operatsiyasi hududida terrorchilar bazaga kirishga uringan toʻqnashuv chogʻida 5 nafar qahramon safdoshimiz halok boʻldi, yana 8 nafari yaralandi, ulardan 3 nafari ogʻir”, — deya maʻʻlum qildi Turkiya Mudofaa vazirligi. Yaralangan turk askarlari kasalxonaga yotqizilgan.

Dastlabki maʻʻlumotlarga koʻra, jang davomida 12 nafar jangari zararsizlantirilgan.

"Mintaqada operatsiyalar davom etmoqda", - deya qoʻshimcha qildi mudofaa vazirligi.

Xususan, Turkiya havo kuchlari Iroq va Suriya shimolidagi PKK tashkilotining 29 ta nishoniga zarba berdi. Koʻplab jangarilar, jumladan jinoiy tashkilot etakchilari oʻldirilgan.

Havo hujumlarida Suriya shimolidagi, shuningdek, Iroq shimolidagi Metina, Hakurk, Gara va Qandil hududlaridagi neftʻ inshootlari va terrorchilarning boshpanalari, jumladan gʻorlar nishonga olingan.

Avvalroq Turkiya prezidenti Rejep Tayyip Erdogʻan PKK jangarilari Turkiyada birinchi marta qonli jinoyat sodir etgan 1984 yildan buyon 2020 yilning martigacha Turkiyaning 7500 nafar xavfsizlik kuchlari va 6800 nafar tinch aholi vakillari ushbu tashkilot qoʻlidan halok boʻlganini aytgan edi.