Avtobus salonini erkak va ayollar uchun ajratgan samarqandlik haydovchi jazolandi
Samarqandda avtobus salonini ayollar va erkaklar qismiga ajratgan haydovchi intizomiy jazoga tortildi. U «yoʻlovchilarning erkin harakatlanishini cheklagan»likda ayblangan.
Samarqandda avtobus saloniga «Ayollar oldinda, erkaklar orqada» degan yozuvni yopishtirib qoʻygan haydovchi
A.R. intizomiy javobgarlikka tortildi. Bu haqda Samarqand viloyati transport boshqarmasi xabar berdi.
Qayd
etilishicha, 22-yoʻnalish avtobusida osilgan plakat «yoʻlovchilarning erkin
harakatlanishini cheklagan». Tashkilot tomonidan chop etilgan fotosuratda
plakat rasmiy shaxslar ishtirokida yirtilgani koʻrinadi.
Bunday holatlar takrorlanmasligi uchun yoʻnalishga xizmat
koʻrsatuvchi «Dilshodtransservis» korxonasi haydovchilari bilan suhbat oʻtkazildi.
Haydovchilarning vazifalari va ularga qoʻyiladigan talablar muhokama qilindi,
deyiladi xabarda.
Yoʻl harakati qoidalariga soʻzsiz rioya qilish, yoʻlovchilar hayoti
uchun xavfli vaziyatlardan qochish, ular bilan xushmuomalalik bilan muloqot qilish va
boshqalar shular jumlasidan.
Muhokama chogʻida koʻp yillik tajribaga ega haydovchilar yosh
hamkasblariga oʻz maslahatlarini berdi, deyiladi boshqarma xabarida.
Haydovchi qanday jazoga tortilganiga aniqlik kiritilmagan.
Mavzuga aloqador
-
Samarqand sudi SSSRni tiklash tarafdori boʻlgan 74 yoshli fuqaroga 3 yilga ozodlikni cheklash jazosini tayinladi. Ayblanuvchi sudda oʻz aybini tan olmagan, biroq suddan jazoni engillashtirishni soʻragan.
