Atom elektr stantsiyasi, gaz va 30 milliard dollar. Putin va Mirziyoev nima boʻyicha kelishib olishdi

 

Oʻzbekiston va Rossiya delegatsiyalari oʻrtasida 27 ta hujjat, jumladan, kichik atom stantsiyalari qurish, Moskva texnika universiteti va Butunrossiya tashqi savdo akademiyasi filiallarini ochish boʻyicha shartnomalar imzolandi. Ikki davlat rahbarlari oʻzaro hisob-kitoblarda milliy valyutalarga oʻtish siyosatini tasdiqladilar.

 

Bundan tashqari, Rossiya va Oʻzbekiston rahbarlari Vladimir Putin va Shavkat Mirziyoevning qariyb 4 soat davom etgan muzokaralari yakunida Qoʻshma bayonot qabul qilindi.

Shavkat Mirziyoev va Vladimir Putinning qoʻshma bayonoti, hukumatlar oʻrtasida Oʻzbekistonga metrologiya sohasida texnik koʻmak koʻrsatish toʻgʻrisidagi bitim, mamlakatlarning tovar ayirboshlash hajmini oshirish uchun sanoat kooperatsiyasini kengaytirish boʻyicha qoʻshma harakatlar rejasi, hamkorlikning ustuvor yoʻnalishlari boʻyicha oʻzaro hamkorlikni kengaytirishga doir qoʻshma harakatlar rejasi, 2024−2030 yillarga moʻljallangan mamlakatlar oʻrtasidagi tovar ayirboshlashni oshirish boʻyicha ishchi guruh faoliyatining asosiy yoʻnalishlari rejasi shular jumlasidandir.

Bundan tashqari, tez orada Rossiya Federatsiyasida respublikaning toʻlaqonli savdo vakolatxonasi paydo boʻladi. Umumiy loyihalarni ilgari surish uchun qoʻshma investitsiya platformasi ham ishga tushiriladi. Ikki davlat rahbarlari oʻzaro hisob-kitoblarda milliy valyutalarga oʻtish siyosatini tasdiqladilar.

Rossiyalik mutaxassislar tomonidan Oʻzbekistonda kam quvvatli atom elektr stantsiyalarini yaratish, savdo-iqtisodiy hamkorlik va turli sohalarda, jumladan, fan, madaniyat, mexanika va aviatsiya qurilishi kabi aloqalarni rivojlantirish asosiy kelishuvlar qatoriga kiradi.

 Putin, shuningdek, Rossiya oʻzbekistonlik hamkasblari bilan birgalikda mehnat muhojirlariga “munosib shart-sharoitlar” bilan taʻʻminlab, “migratsiya fayli” ustida ishlashda davom etishini aytdi. “Biz ularning Rossiya iqtisodiyotini, ayniqsa, qurilish, uy-joy kommunal xoʻjaligi, transport va logistika kabi jadal rivojlanayotgan tarmoqlarni rivojlantirishga qoʻshayotgan salmoqli hissasini yuksak qadrlaymiz”, — dedi Rossiya davlat rahbari.

Bundan tashqari, tovar ayirboshlash hajmini 30 milliard dollarga etkazish maqsadi belgilandi. Gaz masalasiga kelsak, Putin “Markaziy Osiyo – Markaz” quvuri quvvatini oshirish rejalarini tasdiqladi, bu esa etkazib berish hajmini yiliga 11 milliard kub metrga etkazadi.