sionistlar hujumi sabab Gʻazoda shahidlar soni koʻpaymoqda
18 mart kuni isroil sulhni buzganidan beri Gʻazo sektorida davom etayotgan hujumlar natijasida 830 nafar falastinlik shahid boʻldi, yana 1787 kishi jarohatlandi.
Gʻazo sektoridagi Sogʻliqni saqlash vazirligining maъlumotlariga koʻra, soʻnggi 24 soat ichida Isroil bombardimonlari natijasida 39 kishi vafot etgan, yana 124 kishi jarohat olgan.
2023 yil 7 oktyabrdan buyon davom etayotgan Isroil hujumlari tufayli Gʻazoda halok boʻlganlarning umumiy soni 50 183 kishiga etdi, jarohatlanganlar esa 113 828 nafarni tashkil etmoqda.
Eslatib oʻtamiz, bosqinchi sionistlar armiyasi shu yilning 19 yanvarida kuchga kirgan sulhni buzgan holda 18 mart kuni ertalab Gʻazo sektoriga yana keng koʻlamli hujumlarni boshlagan edi. Bu bosqinchilik harakatlari hamon davom etmoqda.
