Rossiyada din va tarbiya orqali tugʻilishni ragʻbatlantirish taklif qilindi

Rossiya Davlat Dumasi deputati Irina Filatova tugʻilishni ragʻbatlantirish uchun ajratilayotgan pullar samara bermasligi, buning uchun din va tarbiyaning rolini kuchaytirish lozimligini taʻʻkidladi. “Aholining koʻpayishining kaliti pul emas, balki taʻʻlim, axloqiy-etik va diniy asoslar, jamiyatning bolalarni inson hayoti normalligining ajralmas qismi sifatida qabul qilishidir ", - deya taʻʻkidladi u.

 

"Noanʻʻanaviy qadriyatlar" va oʻz-oʻzini rivojlantirish gʻoyalari Rossiya axborot maydonidan yoʻqolishi kerak va tugʻilishni ragʻbatlantirish uchun pul ajratish natija bermaydi, deb hisoblaydi Rossiya Davlat Dumasi deputati Irina Filatova.

“Muammoni hal qilish maqsadida tugʻilishni ragʻbatlantirish uchun katta miqdorda mablagʻ ajratish etarli, deb oʻylash katta xato. Aholining koʻpayishining kaliti pul emas, balki taʻʻlim, axloqiy-etik va diniy asoslar, jamiyatning bolalarni inson hayoti normalligining ajralmas qismi sifatida qabul qilishidir ", - deb Filatova soʻzlaridan iqtibos keltiradi «Govorit Moskva».

Uning soʻzlariga koʻra, turmush darajasining yuksalishi, taʻʻlim olish, tibbiyot va kasb-hunar egallash imkoniyatlari oilalarning koʻp farzandli boʻlishni, hattoki birinchi farzandli boʻlishni xohlamasligiga sabab boʻlmoqda. Uning qoʻshimcha qilishicha, rivojlangan mamlakatlarda farovon turmush tarzi farzand koʻrish istagiga taʻʻsir qilmaydi.

“Farzandsizlik, noanʻʻanaviy munosabatlar, anʻʻanaviy oilaviy qadriyatlarni isteʻʻmolchilik, oʻz-oʻzini rivojlantirish, mushuk va itlar bilan almashtirish gʻoyalari barcha darajadagi axborot maydonidan yoʻqolib ketishi kerak”, — taʻʻkidladi deputat.

Bunga qadar Rossiya prezidenti Vladimir Putin hukumatdan ruslarni koʻproq tugʻishga ishontirishni talab qilgandi. Uning taʻʻkidlashicha, "bir vaqtlar Rossiyada serfarzandlik urf boʻlgani, oilalar etti, toʻqqiz kishidan tashkil topgan”. Serfandlik mamlakatda ishchi kuchi taqchilligi muammosini hal qilishga yordam beradi.

Avvalroq Rossiya Fanlar akademiyasi Markaziy Iqtisodiyot va matematika instituti direktori Albert Baxtizin hukumatni kelajakda mamlakat aholisining butunlay yoʻq boʻlib ketishining oldini olish uchun “maxsus demografik operatsiya” oʻtkazishga chaqirgan edi.

“Biz yiliga 500-600 ming odamni yoʻqotyapmiz. Hududning kattaligi va iqtisodiyot uchun zarur boʻlgan oʻsish surʻʻatlarini saqlab qolish maqsadida koʻp sonli odamlarga ehtiyoj borligini hisobga olsak, bu milliy xavfsizlikka tahdid tugʻdiradi", - dedi Baxtizin.

Olim BMTning asr oxiriga borib Rossiya aholisi 120,5 million kishiga qisqarishi haqidagi prognozini eslab oʻtdi. Shu bilan birga, ekspert Jahon sogʻliqni saqlash tashkiloti (JSST) tomonidan moliyalashtiriladigan Aholi salomatligini oʻlchash va baholash institutining 106 million kishisi haqida yanada pessimistik taxmin borligini ham taʻʻkidladi.

Uning qoʻshimcha qilishicha, Rossiya Fanlar akademiyasining prognozlariga koʻra, tugʻish yoshidagi – 15-49 yoshdagi, reproduktiv – 20-29 yoshdagi ayollar soni sezilarli darajada kamaygani Rossiyada tugʻilish darajasining yanada kamayishiga olib keladi. "Bizning hisob-kitoblarga koʻra, 30-yilga kelib, bunday ayollar soni 9 foizga kamayadi", - deya aniqlik kiritdi Baxtizin.

2023 yil oxirida Rossiyada tugʻilish darajasi (reproduktiv yoshdagi ayolga toʻgʻri keladigan oʻrtacha bolalar soni) 1,4 ga tushdi. Bu – 17 yillik minimal, tugʻilishlar soni esa ketma-ket 10 yildan ortiq vaqtdan beri har yili kamayib bormoqda. Putin beshinchi vakolat muddati boshlanganidan soʻng darhol imzolagan farmonga koʻra, davlat rahbari tugʻilishning umumiy koʻrsatkichini 2030 yilgacha 1,6 ga, 2036 yilgacha esa 1,8 ga oshirish talab qilingan.