25 yildan keyin Rossiyada musulmonlar va nasroniylar soni tenglashadi

Progressiv siyosat jamgʻarmasi rahbari Oleg Bondarenko 25 yil ichida Rossiyada musulmon va nasroniy aholi soni tenglashishini maʻʻlum qildi. Uning fikricha, bu faqatgina migratsiya taʻʻsiriga emas, balki musulmonlar istiqomat qiluvchi “ayrim hududlarda koʻproq bolalar tugʻilishi”ga ham bogʻliq.

Tez orada Rossiyaning har ikkinchi aholisi musulmon boʻladi. Yaʻʻni, Rossiyadagi musulmonlar soni chorak asrdan keyin nasroniylar soniga teng boʻladi. Bu haqda Moskvadagi matbuot anjumanida Progressiv siyosat jamgʻarmasi direktori Oleg Bondarenko maʻʻlum qildi, deb xabar beradi “PolitNavigator” muxbiri.

“Hozirgi demografik vaziyatni hisobga olsak, 25 yildan keyin (bu umuman uzoq emas) musulmonlar va nasroniylar nisbati boʻyicha mamlakat aholisi tenglashadi. Bu faqatgina migratsiya taʻʻsiriga bogʻliq emas, balki printsipial jihatdan demografiyaga ham tegishli. Ayrim hududlarda koʻproq bolalar tugʻilishini osongina koʻrishingiz mumkin. Jumladan, erdagi hayot anʻʻanasi borligi sababli”, - dedi Bondarenko.

U mamlakatda demografik muammolarni hal qilish uchun “bir qavatli Rossiya”ni yaratishga harakat qiladigan siyosiy partiya kerak, deb hisoblaydi.

Maʻʻlumot uchun, 2024 yil yanvarʻ holatiga koʻra, Rossiya aholisi soni 146 150789 nafarni tashkil etdi. 2023 yilning shu davrida esa RF aholisi 146 447 424 nafarni tashkil etgan edi. Yaʻʻni, bir yil ichida mamlakat aholisi soni 296 635 nafarga kamaygan.

Ayrim manbalarga koʻra, musulmonlar Rossiya aholisining 8 foizdan ortigʻini tashkil qiladi, aksariyat hollarda ular muhojirlar emas, balki mahalliy aholidir. Xususan, tatarlar, boshqirdlar, avarlar, chechenlar, lazginlar, kabardinlar, darginlar, qorachaylar, bolqarlar, cherkeslar, qumiqlar, ingushlar va baʻʻzi osetinlar Islom diniga eʻʻtqod qiladi.

Mavzuga aloqador

Eng ko‘p o‘qilgan

Tavsiya qilingan